Panay ang gimik mapag-usapan lang… Jadine, tuwang-tuwa na pinaglalaruan ang madlang pipol na todo-pa

Erlinda Rapadas / Teka Nga

Grabe kung magpaikot ang kampo nina James Reid at Nadine Lustre. Pinaglalaruan nila ang publiko sa ka­nilang mga kadramahang pinaggagagawa. May script sila sa kanilang mga gimmicks upang patuloy na pag-usa­pan ng publiko.

Pati mga nananahimik na tao tulad ni Issa Pressman ay kanila pang idinamay. Pero ang ganitong style at dis­­karte ay hindi naman nagtatagal. Lalabas at la­labas din naman ang totoo.

Sasabihin nilang break na at naghiwalay sina James at Na­dine, pero ilang araw lang, nag­po-post naman sila na magka­sama sa isang event. Tapos, sasa­bihin ng ka­ni­lang mga fans na fake news ang isi­nusulat na hi­wa­­la­yang JaDine.

May mga kasamahan ka­ming entertainment writers na ayaw nang patulan ang anu­mang balita tung­kol kina James at Nadine. Ayaw na nilang pani­walaan ang mga drama at pasa­bog ng dalawa. Pinaglala­ruan kasi ng JaDine ang media. Tu­wang-tuwa sila ka­pag may mga publicities na nag­lalaba­san. Ma­laking tulong kasi ‘yun sa kani­lang career at pang-promo na rin sa kani­lang upcoming pro­jects.