Kinumbinse raw ni Congw. Vilma… Dina, suportado ng mister na Cong. sa pagtakbo sa Ilocos Sur

Erlinda Rapadas / Teka Nga

Photo: @dinabonnevie

In her best elements si Ms. Dina Bon­nevie nang humarap sa media sa ginanap na media launch ng Anak Ni Waray Vs. Anak Ni Biday, ang bagong seryeng mapapanood na sa GMA-7 Primetime simula sa Lunes, Jan. 27.

All-star cast ang serye na pinangu­­ngu­­na­han nina Dina Bonnevie, Snooky Serna, Celia Rodriguez, Jay Manalo, Migo Ade­cer, Barbie Forteza, Kate Valdez, Jean Sa­burit, Teresa Loyzaga, Tanya Monte­negro, atbp. mula sa direksiyon ni Mark Si­cat dela Cruz.

Mag-best friend ang role nina Dina at Snooky na naging mortal enemies nang dahil sa isang lalaki.

Ibang-iba na ang awra ngayon ni Dina at mukhang peaceful and happy ang kan­yang married life sa piling ni Congressman Deogracias Savellano na dating vice-governor at ngayon ay congressman sa Ilocos Sur.

Aktibo ngayon si Bonnevie sa pagpo-promote ng mga produkto sa Ilocos tulad ng Inabel (fabric), bagnet at ang famous Vi­gan longganisa na paborito ng marami.

Marami raw ang nagko-convince kay Dina na pumasok na rin sa political arena at tumakbo sa Ilocos Sur. Mismong si Star for All Seasons at Congw. Vilma Santos-Recto ang nagsabi raw kay Bonnevie na ka­kayanin niya ang maging public servant. Pati ang kanyang mister na congressman, suportado siya sakaling pumasok sa pu­li­tika.

Well, mukhang malapit nang makum­bin­se si Bonnevie!