Ibinebentang face mask, sobrang mahal daw, binanatan… Luis rumesbak, tinawag na tanga ang basher

Vinia Vivar / Frankly Speak

Sa panahon ng Taal crisis, mas inaatupag pa ng mga netizens ang mang-bash ng mga celebrities at politicians. Biruan nga ngayon sa show­biz, na­ka­katakot mag-post dahil ‘pag nagkamali ka ay kata­kut-ta­kot na pamba-bash ang aabutin mo.

Kapag nag-post ang artista halim­ba­wa na nasa ibang lugar siya habang pumu­pu­tok ang bulkan, asahan mong iba-bash na nila ito at sasabihing mas inuuna pa ang mag-enjoy gayung ma­raming kababayan natin ang naghihirap.

‘Yung mga nagpo-post na­man ng kanilang pagtulong, bi­na-bash din at sinasabi­hang hin­di na kailangang i-post ang mga tulong na gina­gawa. Ka­pag hindi ka naki­ki­tang nag-post ng pagtu­long, la­la­itin nila at sasa­bi­hang hindi man lang tu­mu­tu­long.

Really, hindi na malaman ng mga artista kung saan ila­la­gay ang kanilang sarili.

Isa nga sa mga naba-bash lately ay si Luis Manzano dahil sa N95 masks niya na ibine­ben­ta na napakamahal daw. Sinagot na ito ng host at ipina­liwanag ni­yang bago pa man ang Taal Volcano eruption ay ganu’n na ang presyo talaga ng mask dahil sa kalidad nito na nain­tin­­dihan naman ng ibang na­ka­ka­alam ng presyo ng pro­dukto.

Pero ayaw tumigil ng ibang bashers at iniisip na nagte-take advantage siya sa halip na tu­mu­long. Good thing, sinasagot lahat ito ni Luis na dapat lang para malaman ng iba nating kababayan ang side niya.

“Ineng, hindi lahat ng tulong kelangan makita, kung gusto mong ipakita - very good, kung ayaw mong ipakita - very good din. Ang kaya lang kasi ng utak mo ay social media, ‘di mo gets na may bu­hay sa likod ng lahat ng ‘to. 2020 na kami, nasa 19 tanga ka pa,” ang sagot ni Luis sa isa niyang basher.

At sa mga nag-aakalang walang na­i­tutulong si Luis, ipinost na ng kanyang inang si Batangas Representative Vilma Santos ang kahun-kahong donasyon niya para sa Batangas.

Caption ni Ate Vi: “Mara­ming salamat sa tulong mo, anak. I love you, Lucky.”