Malas daw kasi… Joshua, obyus na napipilitan lang kasama si Julia?

Beth Gelena / Bulgary Files

Kakalokah ang komento ng mga netizens sa ipinost na picture nina Joshua Garcia at Julia Bar­retto sa muli nilang pagkikita para sa presscon ng Block Z movie.

Anila, “Para sa promo, para sa eko­no­miya!”

Napaka-awkward daw tingnan ng JoshLia dahil halatang pilit na pilit sila sa isa’t isa. Isang tanong, isang sagot, un­like dati na in good terms sila at mara­ming nasasabi kapag may itinatanong ang press people. Speechless sila ngayon, kumbaga.

Si Joshua nga raw, halatang napipilitan sa mga sina­sabi kahit ano’ng pagpo-poker face ang gawin.

Ani ng isang netizen, “Siyempre naman, promo-pro­mo rin ‘pag may time. ‘Di kasi pumatok ‘yung sa kanila ni Ja­nella (Salvador). Solo ka na lang, boy, naka­kaumay na ang kaka-push sa love team na pangkabuhayan showcase lang naman.”

Tsika naman ng aming kaibigan, pakiramdam niya ay naobliga lang ang young actor nang sabihing “na-miss” niya si Julia dahil may peli­ku­lang ipino-promote.

“Sa totoo lang as much as possible, ayaw na niyang ma­iugnay kay jinx (Julia),” aniya.

May nagsasabi pang sana ay nag-focus na lang si Joshua as solo. Hindi na lang daw sana nag-love team dahil maganda na­man ang kinalabasan ng kan­yang career nu’ng nasa The Great­est Love. Nakuha raw niya ang aten­siyon ng mga televiewers bilang apo ni Sylvia Sanchez.

“Okay naman siyang aktor compared sa kasa­ba­yan niya pero mas maga­ling sana siya kung wala siyang safety net. Kasi ami­nin natin, kapag may love team na sila, nagiging kam­pante sila na supported ng mga fans. Medyo tamad-ta­maran to improve kum­ba­ga,” lahad ng isang net­izen.

Well, kung anuman ang kalalabasan ng movie ni­lang Block Z, sana raw ay hindi gaanong mag-suffer sa takilya.

By the way, marami ang nag­sasabing kinuha lang ang idea ng Block Z sa pelikula no­on ni Brad Pitt na World War Z.

Gaano kaya katotoo, Sir Mico del Rosario?