Misuari, wanted noon, Ambassador na ngayon
MISUARI, WANTED SA AQUINO GOV’T., SINUWERTE SA DUTERTE GOV’T.—Isa si Nur Misuari, Moro National Liberation Front (MNLF) chairman/ambassador to the Organization of Islamic Conference (OIC) sa mga dumalo sa AFP Change of Command Ceremony na ginanap sa Camp Aguinaldo kaugnay sa pagkakatalaga ni P-Duterte kay Gen. Felimon Santos, Jr. bilang bagong AFP chief.
Ang suwerte pala ni Misuari kasi sa administrasyon ni ex-P-Noy ay wanted siya dahil sa panggugulo ng MNLF sa Zamboanga City noong Sept. 2013 na ikinamatay ng mga sibilyan, sundalo at pulis. Pero ngayon, sa Duterte gov’t, naging ambassador at labas-pasok na sa Camp Aguinaldo, may pakaway-kaway pa sa mga sundalo, buwisit!
****
MGA DRUG LORDS, MAY DUE PROCESS SA DEATH PENALTY, PERO ANG MARALITANG ADIK, TODAS AGAD—Ayon kay Sen. Ronald “Bato” dela Rosa, ngayong 2020 ay kukulitin niya ang mga kapwa niya senador para maisabatas na ang death penalty para sa mga drug lords.
Mabuti pa ang mga drug lords, naisipan ni Sen. Dela Rosa na padaanin muna sa due process o paglilitis sa korte kung dapat silang bitayin o hindi, pero ang mga maralitang adik noong siya pa ang PNP chief, wala nang korte-korte kasi “tokhang” agad, hu-hu-hu!
****
MAHUSAY DAW ANG MGA PULIS-PROBINSIYA, PERO ANG TAGA-DAVAO NA SI GEN. DANAO, “NGANGA” SA MGA MANRARAKET—Para kay P-Duterte, mahuhusay ang mga pulis sa probinsiya at ipinahiwatig pa nitong wala siyang bilib sa mga pulis sa Metro Manila.
Mahusay ba talaga ang mga pulis-probinsiya? Eh, bakit ang taga-Davao City na si PNP-Region 4-A Director Gen. Vicente Danao, Jr., “nganga” lang sa jueteng nina “Ariza” sa Cavite; “Haruta”, “Toce” at “Alvarez” sa Laguna; sakla nina “Reming” at “Balay” sa Ibaan, Batangas; drop balls ni “Toyang” sa Rizal; color games at “Paihi Gang” ni “Minerva” sa Candelaria, Quezon? Boom!
****
SANGKATERBANG MANRARAKET SA JURISDICTION NINA GEN. DANAO AT GEN. ALMAZAN—Kung paramihan ng ilegalista ang pag-uusapan, magkasingdami ang mga ilegalista sa mga jurisdiction nina Gen. Danao sa Southern Tagalog Region at Eastern Police District (EPD) Director Gen. Johnson Almazan kasi kasalukuyan daw namamayagpag ang raket na lotteng nina “Kapre” at “Egay” sa Marikina City; “Cris” at “Rose” sa Pasig City; “Kiko” at “Duran” sa San Juan; “Ben”, “Dodo”, “Jerry” at “Edmund” sa Mandaluyong City at STL-Pares ni “Kit” sa buong eastern Metro Manila.
Imbes na mawala ang mga manraraket dahil may “no take policy” si PNP-OIC Gen. Archie Francisco Gamboa ay lalo pang dumami, buwisit
Comments