Bigtime pusher huli sa drug-bust
Pabs Hernandez III
Jan 4, 2020
1 min read
QUEZON — Naaresto ang isang bigtime drug pusher sa isinagawang drug-bust operation ng mga awtoridad kamakalawa sa Bgy. Cotta, Lucena City.
Ang suspek ay nakilalang si Marco Pielago, 23-anyos, nakatira sa naturang barangay.
Ayon sa ulat, matagal nang pinaghahanap ng mga awtoridad si Pielago dahil sa pagiging bigtime drug pusher nito at kamakalawa lang nagkaroon ng pagkakataon ang pulisya na dakpin ang suspek sa drug-bust operation.
Nabatid na nakakumpiska ang mga awtoridad ng limang gramo ng shabu at markadong pera sa pag-iingat ni Pielago.
Nakapiit na ang suspek na nahaharap sa kasong paglabag sa Comprehensive Dangerous Drugs Act of 2002.
Comments