Pagpapatawa niya, inismol… Sigaw ni Pokwang: Kung hindi ako nakakatawa, huwag kayong manood!
Nanggigigil si Pokwang nu’ng kunan ng reaksiyon hinggil sa mga netizens na nang-aaway sa kanya online.
“Ah, ayan ‘yung mga walang magawang tuors (tao). ‘Yung mga papansin na ano, eh, patol ako ngayon, ‘no?” pataray na sabi ni Pokwang nang makausap namin sa black premiere night ng Culion.
Sinamahan ni Pokwang ang kanyang partner at ama ng baby niyang si Malia na si Lee O’Brian na isa sa main cast ng Culion.
Aniya, “Huwag ako, ‘day! Tatapusin ko ang 2019 na bubuwisitin ko sila. Hahaha!”
Hindi niya raw gusto ang ginagawa sa kanya ng ibang netizens.
“First of all, ang hirap-hirap maging komedyante. Hindi ko sinasabi na ‘yung mga dramatic actors natin ay balewala. Para sa akin, para sa karamihan, mahirap magpasaya ng tao. And ‘yung nagpapasaya ka na hindi mo alam ang pinagdaraanan namin pero pinapasaya kayo, ‘di ba? ‘Yun lang ‘yun, eh. Huwag masyadong anoooow,” pagalit at seryosong sabi ni Pokwang.
“Kung matatapang kayo at nakita ninyo ako ngayon, pagsasasampalin ninyo ako, ‘di ba?”
Mensahe pa ni Pokwang, hindi dapat maliitin ang trabaho ng mga komedyante.
Aniya, “Huwag ninyong minamaliit ang trabaho namin. Kung hindi ako nakakatawa, huwag kayong manood! ‘Yun lang ‘yun, ‘di ba? Nanggigigil ako, eh. Hindi naman nakakatulong sa industriya.”
On a lighter note, happy naman sina Pokie at Papa Lee dahil sa unang pagkakataon ay may back-to-back movie sila sa Metro Manila Film Festival.
Si Pokwang ay kasama sa Mission Unstapabol: The Don Identity habang si Lee ay sa Culion.
“Happy siyempre… #filinvest, hahaha! Oo, para masaya,‘noh! Magkaiba naman ‘yung klase ng movie na ino-offer namin, eh. Sa amin kasi is action-comedy, sa kanila naman is ano, drama-historical.”
Say naman ni Papa Lee, “Sobrang masaya kasi dalawang movies sa same festival. And dalawang magagandang pelikula ang makikita nila.”
In fairness kay Papa Lee, huh, may alam na siyang Tagalog words. Mukhang nakapagdesisyon na si Papa Lee to stay sa ‘Pinas sa piling ng maganda at mahabang hair na si Pokwang, and of course, with Malia.
Paglaki raw ni Malia, saka nila ipapapanood pareho ang Culion at Mission: Unstapabol. At kaya rin daw ‘di nila kasama ang anak that night ay dahil launch din ng YouTube channel nito.
Oh, ‘di ba?
“Sobrang busy siya,” natatawa at proud na sabi pa ni Papa Lee.
May maganda namang balita si Pokie sa mga fans nila ni Papa Lee. After ng first team-up nila sa pelikulang Edsa Woodworth, may iniluluto raw na movie project ang Star Cinema para sa kanilang dalawa.
Bongga!
Comments