Girls, alamin n’yo na para hindi tamang duda… Pagkabading o pagiging bisexual, makikita sa guhit ng

Maestro Honorio Ong

Katanungan

1. Ano ang ibig sabi­hin kapag maraming bilog o islands ang Heart Line at may isa ring bilog sa Head Line? Ganyan ang nakita ko sa guhit ng palad ng manliligaw ko, pero hindi ko pa siya si­nasagot. Naintriga lang ako dahil maraming bi­log ang Heart Line niya.

2. Itatanong ko na rin kung sino at kailan ko makikilala ang lalaking nakatakda kong maging first boyfriend, mapa­nga­sawa at makasama habambuhay sa pagbuo ng pamilya?

Kasagutan

1. Siguradong kapag ang Heart Line (Drawing A. at B. h-h arrow a.) sa kaliwa at kanang palad ng lalaki ay maraming bilog o mala-kadenang Heart Line (arrow a.), ito ay tanda na ang nasabing lalaki ay may pagkabakla.

Hindi mo ito agad ma­hahalata, sa halip, kaila­ngang kum­pirmahin ito ng dalawa pang palatandaan sa pa­lad, na ang una ay ang bilog o island sa Head Line (Dra­wing A. at B. H-H arrow b.) sa kaliwa at ka­nang palad at ang panga­lawang kum­pirmasyon kung may pagkabakla ang nasabing lalaki ay ang nagdodobleng Venus Line (Drawing A. at B. V-V arrow c.) sa kaliwa at ka­nang palad.

2. Kung present sa manliligaw mo ang nasa­bing tatlong mahahala­gang palatandaan, tiyak ang tendency, may pagka­bading ang manliligaw mo.

Bagama’t naitatago pa niya ito, sa bandang huli, kapag matagal na kayong magkakilala, mapapansin mo rin ang kanyang pagi­ging bading tulad ng ku­sang pagpilantik ng mga daliri sa kanyang mga ka­may.

Pero siyempre, pu­wede ring bukod sa bading ay bisexual siya na ang ibig sabihin ay puwedeng umi­big sa babae at kapwa lalaki.

Mga Dapat Gawin

1. Ang nasabing tat­long mahahalagang tanda sa kaliwa at kanang palad ng lalaki upang makum­pirma na siya ay may pag­kabading ay masasabi pa rin nating tendency o ma­aari lamang.

Gayun­man, kung sad­yang present sa kaliwa at kanang palad ng manlili­gaw mo ang guhit a. b. at c., hin­di masamang mag­duda ka sa pagkalalaki niya at ka­sabay ng pagdududa, mas mabuting mag-imbes­tiga ka sa kanyang priba­dong buhay upang kapag na­kumpirma mong may pag­kabading ang manlili­gaw mo, hangga’t maaari ay hindi mo siya dapat sa­gu­tin at mapangasawa.

2. Ayon sa iyong datos, ang kaisa-isang Marriage Line (Drawing A. at B. 1-M arrow d.) sa kaliwa at kanan mong palad ang nagsasabing ang unang magiging boyfriend mo na pangmatagalan at seryo­song relasyon ang siya na ngang nakatakda mong ma­pangasawa at maka­sama sa pagbuo ng ma­ligaya at panghabambuhay na pamilya na nakatakda mong makilala sa 2020 sa buwan ng Abril hanggang Mayo sa edad mong 33 pataas.