BF, todo-paalam pa raw bago siya halikan… Liza kay Enrique: 'Wag kang mahiya!

Ronalyn Seminiano / Showbiz Trends

Magpapakilig muli ang tambalang LizQuen nina Liza Sobe­rano at Enrique Gil sa upcoming series nilang Make It With You.

Sa press conference noong Biyernes, sabi ni En­­ri­que, bagong Liz­Quen ang masasaksihan ng kanilang mga fans and supporters.

“I think a little more mature LizQuen and another amazing, amazing love story,” sabi ng aktor.

Samantala, kuwela ang sagot ni Liza nang matanong kung paano niya ide-describe ang paghalik ni Quen. Sabi ng magandang aktres, “Quen kiss? Parang Grade 2. Hindi, joke lang, joke lang!

“Sa eksena lang ‘yun, kasi naalala ko talaga ‘yung sa Alone Together, ‘yung scene na nasa park kami sa New York, tala­gang sabi niya sa ‘kin, ‘Iki-kiss na kita, iki-kiss na kita, iki-kiss na kita,’ ganu’n siya.

“Natakot siya kasi nandu’n si Tito Ogie (Diaz, manager ni Liza), naka­bantay. Eh, sabi ko naman, ‘Alam niyang magki-kiss tayo, so, ‘wag kang mahiya.’”

Sabi pa ni Liza, naging paulit-ulit tuloy ang take dahil ayaw siyang i-kiss ni Enrique. Depensa naman ni Quen, humahanap lang kasi siya ng maganda at saktong timing kaya hindi niya mahalikan ang aktres.

Sa Croatia ginawa ang shooting ng Make It With You, at nakakalokah ang revelation ni Liza na talagang nagpa­hiyaw sa press people.

Aniya, “Sa Croatia, may nasirang kama si Quen. Pero hindi sa eksena, sa totoong buhay niya nasira ‘yung kama.

“Sobrang kinilig siya sa akin, na­hulog siya, nasira niya ‘yung kama,” dagdag pa ni Liza.

Samantala, nabanggit ni Enrique na kahit balik-tambalan sila ngayon ni Liza, kailangan din nilang maghiwalay sa movie eventually.

Sey ni Quen, “Hindi rin naman puwedeng forever (kami lang ni Liza ang magkatambal), stocking to just a box na ganu’n lang.”

Dagdag naman ni Liza, “We’re open to it but we’re not in a rush.”