Mapua inangkin ang ika-11 korona ng Asian University Basketball

Nagdagdag ang Mapua University ng korona para sa kanilang paaralan at para sa bansa nang masungkit ang kampeonato sa 11th Asian University Basketball Championship na idinaos noong Biyernes sa Lyceum of the Philippines University Gym sa Intramuros, Manila.

Ginapi ng Cardinals ang LPU Pirates, 98-92 upang makumpleto ang pagwalis sa six-team annual tournament na inorganisa ng Asian University Basketball Federation sa tulong ng Federation of School Sports Association of the Philippines (FESSAP) at ng Basketball Association of the Philippines.

Tinapos ng Pirates ang triple tie sa Kendai University at Nippon Sports Science University (NSSU) ng Japan sa parehong 3-2 cards.

Habang ang Pirates na natalo sa Kendai University noong Huwebes, 75-78 noong Huwebes ay sumegunda puwesto hawak ang mataas na quotient kasunod ang Kendai U sa 3rd place at ang NSSU sa 4th place.

Nasa 5th place ang Kuala Lumpur Basketball Association of Malaysia (KLBA) hawak ni Pinoy coach Nomar Isla sa bisa ng 1-4 record habang ang Ho Chi Minh City na hawak din ng isa pang Pinoy coach na si Jojo Castillo ay nagtapos na 0-5 marka.

Si Mapua combo guard Noah Lugo ang itinanghal na Most Valuable Player ng torneo.

Si Lugo ay may 13 points para sa Mapua.

Pero ang Gamboa led Cardinals ay may 25 puntos habang sina Cyrene Gonzales at Laurence Victoria ay dumagdag na 15 at 13.

May 21 puntos si Yancy Remulla sa LPU. Pinamunuan nina AUBC Organizing Committee Chairman Dr. Robert Milton Calo at Commissioners Leonardo ‘Ding’ Andres at Bai Cristobal ang paggawad ng tropeo sa mga nagwagi.