Maging propesyonal daw para tumagal sa showbiz, Morissette… Hirit ni Vina: Ako nga, dinudugo pa sa b

Ronalyn Seminiano / Showbiz Trends

Usap-usapan pa rin ang pagwo-walkout ng Asia’s Phoenix na si Morissette Amon sa kabila ng paghingi nito ng paumanhin sa mga taong naapektuhan ng kanyang ginawa sa concert ni Kiel Alo sa Music Museum kamakailan.

Hinggil sa walkout issue ni Morissette ay na-interview si Vina Morales during the pocket presscon ng musical film na Damaso.

Dahil singer at Bisaya rin si Vina, nalung­kot daw siya sa ginawa ni Morissette.

Aniya, “Mahirap din talaga kasing mag-comment diyan, but ako kasi, sa napagdaanan ko, sa pagmamahal ko sa trabaho, you really just have to be professional kahit pa ano’ng problema.”

Kuwento pa niya, “Ako rin naman, dumaan ako sa maraming problema, my God, before the shows, umiiyak pa ako, pero umaakyat pa rin ako ng stage kasi kailangan.

“Ako nga ‘di ba, I was pregnant with Ceana, I (still) did my concert. I was three months pregnant and nag-i-spotting ako, medicine lang ang iniinom ko pero meron akong kontrata to do a concert with Kuh Ledesma, US tour ‘yun.”

Wala raw siyang magawa kundi ipagpatuloy ang pagpe-perform kahit kung tutuusin ay dapat bedridden siya dahil sa spotting. Inisip din daw niya ang expectation ng producer at ng audience kaya itinuloy niya ang performance.

“I did the concert kaya lang, sila naman, naintindihan nila na hindi ko kailangang sumayaw. And then minsan, parang feeling mo, sumasakit ‘yung tiyan mo, ume-exit ako. Sabi ko, ‘Sandali lang, ha?’ I need to exit kasi I need to check kung nag-i-spotting ako, sa gilid lang ako ng stage nu’n.

“So, after kong i-check at ‘pag wala naman, balik ulit ako ng stage, kanta ulit. Ganu’n talaga, eh, kasi trabaho ‘yan, work is work at kung ano ‘yung ini-expect sa ‘yo, kailangan mong gampanan.”

Payo ni Vina sa mga artists, “Sa any work, any business, para mag-work or para mas tumagal ka especially sa show business, you just have to be professional and just love your work. Ang iba nga, namamatayan, kumakanta pa rin. Tulad nga sa atin, ang sinasabi, the show must go on, ‘yun talaga. I think that’s the best quote sa show business, ha, maski pa ano’ng problema ‘yan. Pinagdaraanan naman ng lahat ‘yan, pero kailangan mo lang talagang maging propesyonal.”