Madir nila, gusto raw talagang sapakin ng ate niya… Resbak ni Marjorie kay Claudine: patunayan mo &#

Vinia Vivar / Frankly Speak

Hindi pa rin talaga matapus-tapos ang away sa pamilya Barretto. Ang latest, mukhang hahantong pa sa demandahan ang palitan nila ng mga akusasyon.

Sumagot si Marjorie sa video na ipi­nost ng kapatid na si Claudine Barretto kung saan ay maririnig na nagsasalita ang nanay ni Julia na baka raw masapak niya si Inday dahil masyadong madrama.

Sa caption ni Claudine, she confirmed na ang Inday na tinutukoy ni Marjorie ay ang ina nila na si Estrella “Inday” Barretto. Sinabi rin niya na nagkaroon ng argumento ang Ate Marj niya at ang ina dahil sa P500 thousand na hospital contribution ni Julia kapalit ng bahay ng magulang nila sa Subic.

Isang araw matapos i-post ito ni Claudine ay sumagot si Marjorie last Sunday night. Hinamon niya ang nakababatang kapatid na patunayan ang mga pahayag nito sa korte.

“PROVE this twisted story of yours in court. Prove that I have ever tried to physically hurt my mother. And PROVE this was the argument that my mom and I had about Julia giving P500k in exchange for the Subic home. PROVE it.

“Because it was only when Dad was dead that Julia paid the P500K and so much more than any of us. And how we repeatedly made it clear Julia was no buying the Subic house, long before Dad died, that was clear to all, all siblings knew that, you wrote it down in your paper, and you were recording it from your phone without our consent. You are making up this story.

“I will see you in court, the rest of the family will stand by me as witnesses,” ang sagot ni Marjorie.

Bilang sagot ay ipinost naman ni Claudine ang screenshot ng Instagram Story na may user name na @estrella­barretto na aniya ay sa kanilang ina.

Sa caption, ani Claudine, “Nagsalita na ang Mommy @gretchenbarretto, the truth will always, always prevail.”

Sa naturang screenshot ng IG Story ni @barrettoestrella ay kinukumpirma niya na siya ang Inday na tinutukoy ni Marjorie.

“I am the Inday Marjorie was referring to after a big fight in the hospital about the Subic home we own. I’m shock & in so much pain as a mother.

“I just learned about the video & my heart breaks. Marjorie, Claudine said everything, pls. don’t drag my name, Marjorie.

“Didn’t know you were doing DAMAGE CONTROL BY USING ME. Learn to tell the truth and nothing but the truth,” ang naka­saad sa ipinost ni Claudine na screenshot.

May isa pang post si Claudine na sinasagot naman niya ang sinabi ni Mar­jorie na “Take your proper medications, please. Nahihilo ka na sa kuwento mo.”

“Oh my! What happened? Why did you TAG YOURSELF Marjorie? Tsk-tsk, don’t worry I drank my meds. So should you. Mock me all you want BUT NOT PEOPLE WITH MENTAL ILLNESS. Don’t your children see a psychiatrist?” ang caption ni Clau­dine sa screenshot ng post ni Marjorie advising her to take proper medications.

Pero sa totoo lang, ang mga netizens ang nahihilo na sa magkakaibang statements ng magkakapatid na hindi mo na alam kung sino ang nagsasabi nang totoo.

Marami ang nalito last Sunday dahil nag-post si Marjorie ng mga larawan na mag­kasama sila ng ina niya sa lunch kasama rin ang kanyang mga anak including Dani Barretto and her baby.

“Sunday lunch (heart emoji) We miss you today, Dad,” ang caption ni Mar­jorie sa series of photos na in-upload niya kasama ang ina nila.

Kung galit nga naman ang nanay nila kay Mar­jo­rie, bakit magka­sama silang nag-lunch? Ito ang tanong ng mga netizens.

Isa pang kinukuwesti­yon ng mga netizens, hindi raw nila makita ang user­name na @barrettoestrella sa Instagram kaya hindi malaman kung legit ba itong account talaga ni Mommy Inday.

Well, kahit kami ay hindi namin makita ang nasabing account at ang meron lang ay @estrellabarretto at wala rito ang ipinost ni Claudine na IG Story na aniya ay galing daw sa kanilang ina.

Anyway, abangan na lang natin kung saan hahantong ang pagsasakitan ng pamilya Barretto. Sa malas ay wala tala­gang gustong tumigil sa kanila.