Inglesero, kasikatan lilipas din… Career ni James, 'di maililigtas ng bagong ka-love team

Erlinda Rapadas / Teka Nga

Mawawalan na ba ng career si Nadine Lustre ngayong pinag­hihiwalay na sila ng BF/ ka-love team niyang si James Reid? Makakaya ba niyang mag-survive as a solo artist?

Si James, balitang may ga­ga­wing teleserye sa ABS-CBN na may bagong leading lady, pero hindi pa malinaw kung may movie project silang gaga­win ni Nadine.

So, dapat ay tanggapin na rin ng JaDine fans na tuluyan nang nabuwag ang tambalang Nadine-James. Ganunpaman, ang relasyon nila off-cam ay magpapa­tuloy pa rin kahit kani-kanya na sila ng diskarte sa kanilang career ngayon.

Pero say ng mga solid at loyal fans ni Nadine Lustre, magaling na aktres ang kanilang idolo at puwede kahit na sa mga challenging roles. Hindi niya kaila­ngang matali at dumepende sa love team nila ni James.

Sa pagkabuwag ng JaDine love team, si James ang mas dapat na mag-effort to survive. Liability ng tisoy na aktor ang kakapusan niyang managalog. Ingle­sero si James, so paano mo ito mapapaarte nang ser­yoso?

Matinee idol-heart­throb ang porma ni James. Lilipas din ang popula­ridad nito, samantalang si Nadine, mas may chance na mahasa pa nang husto at maging ganap na ak­tres. Good projects lang ang kailangan ni Nadine upang ma-maintain ang status niya sa showbiz.