Nora at Maricel, laglag.. Movie nina Juday, Coco, Iza at Rocco, pasok sa MMFF 2019

Nitz Miralles / Bida

Kumpleto na ang eight official entries sa 2019 MMFF nang i-announce kahapon ang natitirang four official entries ng finished film.

Ito ay ang mga sumusunod:

1. Mindanao ng Center Stage Productions directed by Brillante Mendoza and starring Judy Ann Santos and Allen Dizon.

2. 3Pol Trobol Huli Ka Balbon ng CCM Film Productions directed by Rodel Nacianceno starring Coco Martin, Jennylyn Mercado and Ai Ai delas Alas.

3. Culion ng iOptions Ventures Corp. directed by Alvin Yapan and starring Iza Calzado, Jasmine Curtis-Smith and Meryll Soriano.

4. Write About Love ng TBA Studios starring Rocco Nacino, Miles Ocampo, Yeng Constantino and Joem Bascon directed by Crisanto Aquino.

Una nang in-announce ang four official entries based on script submission at ito’y ang Miracle in Cell No. 7 ng Viva Films (bida si Aga Muhlach), Mission Unstapabol: The Don Identity ng APT Entertainment at M-Zet Productions (led by Vic Sotto), Sunod ng TEN17P (bida sina Carmina Villaroel at Mylene Dizon) at The Mall, The Merrier ng ABS-CBN Film Productions at Viva Films.

Ang apat ang napili sa finished film submission na mula sa 15 films submitted kabilang ang Isa Pang Bahaghari nina Nora Aunor, Michael de Mesa at Phillip Salvador ng Heaven’s Best Entertainment sa direction ni Joel Lamangan. Hindi rin napili ang Damaso ni Director Joven Tan at ang The Heiress ng Regal Entertainment kung saan bida si Maricel Soriano.

In-announce na rin na puwedeng isali sa Metro Manila Summer Film Festival ang mga pelikulang hindi napili sa MMFF.