After mag-away sa pera at nagdemandahan pa… Kris at Falcis Brothers, bati-bati na

Ronalyn Seminiano / Showbiz Trends

Nagkaayos na si Kris Aquino at ang magkapatid na Nicko at Jesus Falcis matapos ang money issues na nagsimula noong November, 2018 na umabot pa sa korte.

Matatandaang nag-file noon ng 44 counts of qualified theft si Kris laban kay Nicko (former business manager niya) kaugnay ng umano’y paggamit nito ng credit card ng kumpanya niyang Kris C. Aquino Productions (KCAP).

Kasunod nito’y si Jesus naman ang sinampahan ni Kris ng kasong cyber libel matapos ang akusasyon ng kapatid ni Nicko na diumano’y pinagbantaan ng TV host ang dati niyang business manager.

Ipinost ng Queen of All Media sa Instagram ang press statement na galing sa kanyang abogado sa Divina Law na nagsasabing nagkaayus-ayos na sila.

“Ms. Kristina Bernadette C. Aquino, Mr. Nicardo M. Falcis II and Atty. Jesus Nicardo M. Falcis III have fairly settled all financial issues and amicably worked out all personal differences. To avoid any future misunderstanding, no further statement shall be forthcoming.”

Kasama ng nasabing press statement ang caption ni Kris na: “LEARN from YESTERDAY... LIKE TODAY... but above all, make sure to LOVE TOMORROW.

“To permanently leave this chapter behind, and embrace all that lies ahead for me, comments for this post shall be turned off. You are FREE to discuss the statement from Divina Law, just not on my feed,” dagdag pa ni Kris.

Nakakatuwa na okey na sila.