Wanted na holdaper nasakote
- Pabs Hernandez III
- Oct 11, 2019
- 1 min read
Pampanga—Arestado ang wanted na holdaper kamakalawa sa Bgy. San Nicolas, Angeles City.
Ang suspek ay kinilala ng pulisya na si Hamlet de Ocera, nakatira sa nabanggit na barangay.
Nabatid na may nagbigay-impormasyon sa pulisya na umuwi sa kanilang bahay si Ocera kaya agad itong pinuntahan at inaresto ng mga awtoridad.
Ayon sa pulisya, matagal na nilang pinaghahanap si Ocera kaugnay sa kaso nitong robbery sa lalawigan.
Hindi naman nanlaban si Ocera nang arestuhin ng pulisya sa naturang lugar.
Comments