PH billiards team, 4 gold ang target sa 30th SEAG

Maaaring apat na gold medals ang masungkit ng Pinoy cue artists sa kanilang pagsabak sa 30th Southeast Asian Games mula Dis. 30 - 10 sa Manila Hotel Tent City.

Ayon kay Billiards and Snookers Congress of the Philippines secretary general Robert Mananquil, mataas ang morale ng mga bigating tumbukero at handa nilang lampasan pa ang 2 gold, 1 silver at 2 bronze medals sa nakaraang Kuala Lumpur 2017 SEAG.

Ang lalim ng karanasan at world-class na porma ng Pinoy pool talents ay pinangungunahan nina world no. 3 Rubilen Amit, world No. 4 Carlo Biado, Dennis Orcollo, Johann Chua, Jeffrey Ignacio, Warren Kiamco, Chezka Centeno, Iris Rañola at Floriza Andal.

Aniya, sa line ups na ito sigurado na sila sa 4 gold medals sa men at women’s 9-ball competition at sa men and women’s 10-ball event.

Babanat din sa snookers sina Alvin Barbero, Michael Angelo Mengorio, Jeffrey Roda at Basil Al-Shajjar habang sina Benjie Guevarra at Luis Saberdo ang sasargo para sa English Billiards.

Lalaban pa rin si pool great Efren “Bata” Reyes kasama si Francisco Dela Cruz sa carom at magsisilbing head coach ng squad ang isa pang beterano na si Francisco “Django” Bustamante.

Ikinatuwa naman ni Philippine Sports Commission (PSC) Chairman William Ramirez ang hanay na ito ng Pinoy billiard players,

“It’s difficult to predict outcomes, but with proper scouting, sports associations could somehow see their targets well. The PSC is also supportive of billiards as it is with all sports.”