Hindi pagkontrol ng galit dahilan ng iba't ibang sakit

Maraming dahilan kung bakit nagagalit ang tao —maaaring dahil sa karelasyon, kapa­milya, katrabaho, ka­ibigan at maliit na bagay dahil hin­di natin gusto ang nangyayari o naki­kita. Pero, ano ang masamang epekto nito sa atin?

1. NAKAPAGSA­SALITA NG HINDI MA­GANDA. Kapag galit tayo, hindi na natin iniisip o nakokontrol ang ating sarili, gayundin ang ating pananalita kaya nakapag­mumura, nanunumbat at sumisigaw tayo para ma­ilabas ang saloobin natin. Ito ang dahilan kaya hindi rin tayo lubos na mauna­waan nang taong pinaga­ga­litan natin.

2. NAKAPANANA­KIT NG EMOSYON. Para hindi lumala ang pag­tatalo, madalas ay nana­na­himik na lang ang taong napagbubuntungan natin ng galit dahil nakaririnig sila ng hindi magandang salita mula sa atin.

At ‘yun ang senyales na na­sasaktan ang kani­lang emosyon.Gayundin, dito nagsisimula ang pag­kimkim ng sama ng loob sa taong pinagalitan na­tin. Kaya mas mabuti nang kumalma muna tayo at pag-isipan ang mga dapat sabihin.

3. NAKAPANANA­KIT NG PISIKAL. Bu­kod sa emosyunal, posible rin tayong makasakit ng pisikal dahil umaapaw ang galit sa iyong anak, kapa­tid o asawa. Dahil hindi natin nakokontrol ang ating emosyon, huma­han­tong ito sa pananakit. Halimbawa, nasagot ka nang pabalang ng iyong anak at dahil dito ay na­pagbuhatan mo siya ng kamay.

4. NAKAPAGTA­TANIM NG SAMA NG LOOB. Kapag may na­pagalitan o napagbuntu­nan tayo ng galit, naka­pagtatanim sila ng sama ng loob nang hindi natin alam.

Kaya para maiwasan ang mga ganitong sitwas­yon, mabuting kulmalma tayo at pag-isipan ang mga sasabihin o gagawin natin. Dahil kapag nagta­nim sila ng sama ng loob ay hindi rin nila maiiwasan ang makapagsalita o ma­kasakit ng damdamin ng iba at malaki ang posibi­lidad na hindi mangyari ito kung hindi tayo maka­pagkokontrol ng ating emosyon.

5. MAKAPAGPA­PALALA NG SAKIT. Para sa mga may sakit tu­lad ng high blood at sakit sa puso, ang galit ay mag­papalala sa inyong karam­daman.

Dahil sa hindi n’yo pagkontrol ng inyong ga­lit at may mga posi­bilidad na ma-hospital kayo nang wala sa oras. Hinay-hinay lang, mga beshie!

Bagama’t, normal ang magalit at maglabas ng saloobin, ilabas o gawin natin ito sa tamang pa­raan kung saan hindi ma­aapektuhan ang sinu­mang nakaalitan, kinaga­litan o hindi nakasundo. Ngayong alam n’yo na ang mga epekto ng galit, pag-isipang mabuti ang ating sasabihin at gaga­win upang hindi tayo ma­kasakit nang damdamin ng iba.

Okie?