Bilang mister ng aktres sa movie… Dennis, Piolo at Echo, pare-parehong atras kay Juday
Lumipad papuntang Korea si Judy Ann Santos para dumalo sa Busan Film Festival bilang bahagi ng ating Philippine contingent para sa kanilang pelikulang Mindanao na idinirek ni Brillante Mendoza.
Bukod kina Juday at Ryan Agoncillo, kasama rin sa grupo si Direk Mendoza at ang aktor na si Allen Dizon na gumaganap na asawa ni Juday sa Mindanao.
Sa isang panayam kay Allen, puring-puri niya ang galing ni Juday lalo na sa mga drama scenes nila. Na-challenge man daw siya sa acting na ipinakita ng aktres, hindi naman nagpahuli ang alaga ni Dennis Evangelista at nakipagsabayan si Allen sa galing umarte ni Juday.
Bilib si Allen sa dedication at passion ni Juday sa pag-arte kaya saludo siya sa aktres na first time niyang nakatambal sa Mindanao.
Hindi naman daw issue sa kanya kung sinalo lang niya ang role mula sa mga unang aktor na tumanggi dahil sa conflict of schedule tulad nina Dennis Trillo, Piolo Pascual at Jericho Rosales.
Ang mahalaga, ani Allen, sa kanya napunta ang role at magandang oportunidad na nakatrabaho niya ang isang Judy Ann Santos.
Comments