Muyang at Ambohot, namarusa para sa LC Knights vs. Chiefs

Nakuha ng Colegio de San Juan de Letran ang isa sa pinakamahalagang panalo nito sa taong ito kon­tra sa season host Arellano University, 97-84, sa 95th National Collegiate Athletic Association (NC­AA) sa FilOil Flying V Centre. Anim na Knights ang bumuhos ng 10 puntos o higit pa sa pangunguna ni Edson Batiller na may 18 puntos.

Nag-ambag din sa tagumpay ng Knights sina Larry Muyang at Jeo Ambohot na parehong may 15 puntos, Allen Mina na may 12 at Jerrick Ba­lanza at Fran Yu na pare­hong may 11.

Magan­dang bawi ito para sa Knights na kagaga­ling lang sa magkasunod na talo sa Lyceum Pirates, 90-97, noong Set. 27 at sa defending champion SBU Red Lions nitong Martes lang, 63-75.

Umangat ng kartada ng Knights sa 10-6 at dala­wa nalang ang nalala­bing laro sa elimination round na laban sa mga koponan na nasa pinakai­la­lim ng standings, ang University of Perpetual Help System-Dalta Altas sa Okt. 11 at Emilio Aguinaldo College sa Okt. 15.Kai­la­ngang manalo ng mga ito upang magka-pag-asa na hindi lang makapasok sa Final 4 kundi makamit din ang mahalagang twice-to-beat advantage.

Samantala, hahanapin ng SBU (15-0) ang kanilang ika-16 na sunod na panalo sa pagpapatuloy ng aks­yon ngayong araw.

Makakaharap nila ang Mapua (7-7) ng 2 p.m. at malaking paborito ang Red Lions na ulitin ang k 69-60 na panalo sa Cardinals noong Set. 6.

Sa iba pang mga laro, nais pa­lakasin ng College of Saint Benilde Blazers (6-7) ang pagkakataong pumasok sa Final 4 kontra Altas (3-10) sa 12:00 p.m. Patitiba­yin ng Lyceum (11-3) ang hawak sa ikalawang pu­westo laban sa EAC (3-11) sa 4 p.m.