Hintayin natin ang resulta ng negosasyong Pac-May 2

Ibinunyag ni 8th-division World Champion Manny “Pacman” Pacquiao (62-7-2, 39KOs) na mayroong nagaganap na pag-uusap sa kanilang kampo at sa panig ni undefeated-retired boxer Floyd “Money” Mayweather Jr., hinggil sa pinaka-pinananabikang rematch.

Sapol nang matalo ang 40-anyos na Pinoy boxing legend sa isang 12-round unanimous decision noong May 2015 sa MGM Grand Garden Arena sa Las Vegas, Nevada, na binansagang “Fight of the Century,” ay kumita ng tinatayang aabot sa $300 million si Mayweather sa panalo nito kay Pacquiao at mas naging matindi na ang pagnanais ng bawat sporting fans na muling magharap ang dalawa sa ikalawang pagkakataon.

“My people are talking to his people, they’re talking to each other,” pag-amin ni Pacquiao sa The National. “We don’t know what the developments are, because I don’t have an update yet,” dagdag ng southpaw na galing ng Dubai matapos sumabak sa basketball at dalhin doon ang Maharlika Pilipinas Basketball League event.

Nagparamdam din ang World Boxing Association (WBA) welterweight champion na maaaring maganap sa Middle East ang isa niyang laban sa susunod na taon.

“I have a scheduled fight, probably for April next year, so after that,” sambit ng tubong General Santos City.

“I’ve decided to experience a fight here in Dubai in the future. That’s my thinking. And also bringing my MP Promotions boxing here. It’s good. This is going to be a great opportunity to promote our sport here,” dagdag nito.

“It’s a good thing because there’s a huge Expo next year here, which starts October-November, so it’s good timing [between fights] from April to November. That gives me time. That’s the initial plan right now.”