Coaching at Sports psycho sa Davao City; Nazareth, kampeon
Mga kilalang resource speakers mula sa kani-kanilang bigating larangan ang bumida sa Philippine Sports Commission (PSC) National Coaches Certification program kahapon sa University of the Philippines (UP) Mindanao, Bago Oshiro, Tugbok District, Davao City.
Nagmula sa Public at Private schools sina Dr. Karen Katrina Trinidad, Ph.D., RPsy, PSC-Philippine Sports Institute Medical Services at Sports Science Sports Psychology Unit Head kung saan tinalakay nila ang kahalagahan ng sports psychology sa mga atleta.
Tumalakay naman si professor Josephine “Joy” Reyes, PSC-PSI MSSS Sports Physiology Unit head, na may tinapos na Masters and Bachelor’s Degrees sa UP ng tungkol sa Sports Physiology habang si Dr. Robert Paul Jurad na nakakuha ng Doctorate Degree in Philosophy sa UST ang tumalakay sa Sports Ethics. Ang limang focus sports ay ang Athletics, Swimming, Table tennis, Football/Futsal at Rugby football.
Samantala Buzzer Beater si Jhazel Aerol Paguilugan sa nag-iisang nagawa niyang basket upang iangat ang Nazareth School of National University kontra De la Salle-Greenhills, 59-57 sa Passerelle Division championship ng Best Center’s twin basketball tournaments ng nakaraang weekend.
Nakatulong si Paguilugan sa topscoring teammates na sina Kim Aaron Tamayo (14 points) at Mark Rainier de Leon (12) nang makatiyak sila ng korona para sa NSNU sa two-division tournament ng Milo at Rain of Shine. Dinemolis ng San Beda University ang La Salle-Zobel, 81-49, para sa 3rd place.
Nakabawi ang La Salle-Greenhills-A na sister-team ng Passerelle nang masungkit ang Small Basketeers Philippines (SBP) crown kontra College of San Benildo-Rizal, 76-54. Bumida rito si Janeil Sebastian Peralta sa 13 puntos at Bryan Andrei Hachuela, na may 11 points. Tinigpas ng La Salle-Zobel Green ang LSGH-B, 79-57 para sa 3rd place.
Comments