Oks magkaapo kay Iñigo, pero… Sigaw ni Piolo: 'di ako handang mag-asawa, bata pa 'ko!

Julie Bonifacio / Winner!

Posible,” pakantang sagot ni Piolo Pascual sa tanong kung puwede bang magkaroon ng part two ang relasyon nila ni KC Concepcion.

Single na kasi ulit si KC at single pa rin naman until now si Papa P. May kasabihan nga: “Love is lovelier the second time around” lalo pa’t balitang okey naman na sila ni KC as friends.

“Oh, yeah. We’re good. KC and I were good. I’ve not seen her for a while and I hope she’s always okay. I don’t necessarily stalk her on IG. But, I see what happens, of course, based doon sa mga lumalabas. So, you know, I’m happy for her,” pahayag ni Piolo sa launch ng ika-11 taon ng pagsasanib-puwersa nila ng SunLife Philippines for Sun­PIOLOgy.

Ang SunPIOLOgy ay isang sporting event that aims to encourage Filipinos to live a healthier life. And for this year, ang theme ng event ay “SunPIOLOgy Xone” na magaganap sa Nov. 23, 2019 kung saan ang highlight ay ang Sun Life Virtual Run, Sun Life Cycle PH at Sun Life Resolution Run.

Registration is ongoing at sunlife.cycleph.com until November 22.

Imagine, 11 years nang tuma­takbo si Piolo for this event, huh? So, we asked him during the media launch of SunPIOLOgy Xone kung saan siya humuhugot ng lakas at ganu’n pa rin ang energy na ibinu­buhos niya sa event nila ng SunLife.

“Yes, the mere thought of waking up everyday knowing that you have something to do, something worthwhile to do like this event, getting to talk to people, getting to share your life with other people, and knowing na everyday is a new chance for you to better your life can be, you know, inspiring to a lot of people,” sagot ni Papa P.

Nilinaw naman ng SunLife executive na ‘di nila ipinagbabawal na magkaroon ng partner in life si Papa P bilang endorser nila.

“Hindi naman kami umabot doon. Hindi naman nila ako pinapalitan pa,” natatawang sabi ni Papa P.

After 11 years, siyempre, mas nakaka-inspire tumakbo, mag-bike, mag-swimming na merong partner in life.

“You know, honestly, I won’t deny the fact that, you know, there are days that I feel sad or, parang ‘Okey ka lang ba? Mag-isa ka lang?’

“But now, I get to enjoy my quite moments because I get to really reflect about my life better. And if and when it comes, I know it’s gonna be really exciting. And kapag nangyari ‘yun, I’ll share about it.”

Maging ang ina ni Papa P ay nagwi-wish na ma­bigyan niya ulit ito ng apo bukod kay Iñigo Pascual.

“Oo nga po, eh. Sa dami ng apo niya, gusto pa niya ta­laga ng isa. Sabi ko, ‘Huwag kang mag-alala, Ma, da­rating tayo r’yan.’ Hahaha!”

Hindi naman daw nape-pressure si Piolo kapag tinatanong about his love life. Mas nape-pressure siya sa kanyang edad.

“Just imagine if I had a baby at 50, ‘di ba? Salamat. Salamat talaga. I don’t know what’s gonna happen, pero, I’m not ready to be a family man. I feel young. I feel I still have a lot of offers to do. So, yeah. The pressure is not felt.”

Inamin ni Piolo na hindi pa talaga siya ready na mag-asawa.

“May anak ako, eh. ‘Pag nauna na siya siguro, and when he leaves.”

Baka mauna pa nga si Iñigo na mag-asawa kesa sa kanya.

“Baka may lakad, eh,” pagbibiro niya. “So, Mommy ko, gusto magkaapo, baka kay Iñigo nalang muna. Hahaha!”

Marami pa raw siyang iniisip at nagninilay-nilay pa siya about his future. Oras daw ang kulang sa kanya at marami pa siyang destinations na gustong puntahan. Gusto raw niyang mag-travel around the world.

Nangunguna sa top three destinations ni Papa P ang El Nido, Palawan, next ang Italy, and then, South America. Galing siya sa Florence, Italy for two months this year. And next year, sa South America at sa New Zealand niya balak pumunta.

Say namin kay Papa P, may property si KC sa San Vicente, Palawan na puwede siyang ipasyal.

“Ako rin po. Hahaha!” sagot niya.

Saan sa Palawan?

“Secret,” sabay tawa ni Papa P.

Wow, ha? Tatahi-tahimik lang si Papa P pero may sarili na rin palang beach resort sa Palawan. Siyempre, isa lang ‘to sa marami pang properties and investments niya, for sure.