Para ‘di manakawan at iwas-sakit… Safety tips sa mga mahilig magbakasyon

No Problem

Nagsimula na ang vacation season kaya naman ma­rami na ang nagpa-file ng vacation leave. Ha-ha-ha!

Para ma-enjoy ang inyong bakasyon, hindi lamang itinerary ang dapat ninyong bigyang-pansin dahil dapat ding siguraduhin na hindi kayo mananakawan at magkakasakit habang nasa bakasyon.

Kaya mga besh, narito ang 5 tips para manatiling ligtas mula sa mga sakit at kawatan:

1. PILIIN ANG ROOM NA NASA 3RD FLR. NG HOTEL PATAAS. Mas mada­ling napapasok ng mga kawatan ang mga ku­war­to na nasa mababang floor. Kapag nanatili kayo sa ikatlong palapag o higit pa, mas mababa ang tsansa na manakawan kayo o mapasok ang kuwarto ninyo.

2. MAGDALA NG SARILING BED SHEETS. Kadalasang inirereklamo ng ilang nagbu-book ng hotel ang marumi at maalikabok na bed sheets. Kaya kung gusto ninyong makasiguradong mali­nis ang tutulugan ninyo, magdala kayo ng sari­ling bed sheet o punda. Okie?

3. GAMITIN ANG MAIN ENTRANCE. Pagkatapos mamasyal nang buong araw, make sure na daraan kayo sa main entrance ng hotel dahil mas safe rito kay­sa sa ibang daan papunta sa kuwarto ninyo. Medyo malayo o mag-e-effort nga lang kayo pero, at least, sigura­dong safe.

4. HUWAG HUMI­GA SA KAMA NANG HINDI PA NALILI­GO. Bakit? Ito ay dahil mas malaki ang posibi­lidad na mailipat sa kama na tutulugan ninyo ang mga nasagap na du­mi sa labas. Gayundin, maaaring makakuha ng sakit dito dahil kapag kumalat ang dumi, siguradong kayo ang unang makakukuha nito.

5. HUWAG AGAD MAG­BUKAS NG KU­WAR­TO. Kapag hindi kayo tumawag sa service personnel, ma­bu­ting huwag kaagad buksan ang kuwarto dahil hindi ninyo alam kung sino ang nandu’n. Mabuting tumawag mu­na sa reception para ala­min kung may ipinadala silang service personnel sa kuwarto ninyo.

Mga besh, ilan lamang ang tips na ito sa mga dapat ninyong tandaan sa inyong bakas­yon. Para iwas-sakit at nakaw, make sure na ibabahagi n’yo rin ang mga ito, ha? Have a nice and safe trip, mga ka-Bulgar!