May kilala ka bang ganito? Taong otso, hindi totoong magmahal, mas labs pa ang negosyo kesa sa karel

Maestro Honorio Ong

Katanungan

1. Magulo ang isip ko ngayon tungkol sa sitwas­yon namin ng asawa ko. Babalik pa kaya siya kahit may ibang babae na si­yang kinakasama?

2. Gusto ko ring mala­man kung mahal pa kaya niya ako? March 8, 1987 ang birthday ko at July 8, 1984 naman ang mister ko.

Kasagutan

1. Tugma at compatible ang zodiac sign mong Pisces sa zodiac sign ng iyong mister na Cancer at kapwa kayo nag­tataglay ng elementong water o tubig at kapwa strong number ang birth date nin­yong 8.

2. Ibig sabihin, kung sa­kaling muli kayong magka­sundo at magbalik sa piling mo si mister, hindi maiaalis ang posibilidad na mamba­bae siyang muli dahil ganu’n ang natural sa mga taong otso (8).

3. Kung itinakda ng tad­hana na mambabae ang iyong mister habang ikaw ay magti­tiis na madaling kinumpirma at pinatunayan ng destiny num­ber mong 9 (3+8+1987= 1998/ 19+98=117/ 11+7= 18/ 1+8=9) at pinatunayan din ng iisa pero hindi mas­yadong makapal na Marriage Line (Drawing A. at B. 1-M arrow a.) sa kaliwa at kanan mong palad, ibig sabihin, kung ganyan ang iyong Marriage Line (1-M arrow a.), ito ay nangangahulugang daraan lang sa buhay mo ang salita at karanasang pag-aasawa, pero hindi ito tunay na rerehistro sa buhay at ka­palaran mo. Tulad ng nang­yayari na sa kasalukuyan, pi­nakasalan ka pero namba­bae siya. Ikaw ang legal na asawa pero sa ibang babae siya umuuwi.

4. Hinggil sa itinatanong mo kung mahal ka pa ng iyong asawa, ang totoo, ang mga taong otso (silang na­impluwensiyahan ng nu­me­rong 8, 17 at 26) ay hindi to­toong nagmamahal. Ha­lim­bawa, nililigawan ka nga­yon at dahil dito, ipara­ram­dam niya na mahal ka niya at mararamdaman mong mahal mo rin siya. At kaya mo sinagot ang taong otso na ito ay dahil manini­wala kang mahal ka niya.

5. Pero ang totoo nito, kapag nagkarelasyon na kayo, sa bandang huli ay mag­sasawa rin siya at kapag nagsawa na, mababawasan ang dating sobra-sobra at umaapaw na pagmamahal niya. ‘Yung ibang taong otso ay ibinibigay sa iba ang pag­ma­ma­hal kung saan ang ibang taong otso ay sa ne­gosyo at pagpapayaman nila ibinu­buhos ang energy ng love na nawala sa kanilang ex kaya ang mga taong otso ay ma­bilis na yumayaman. At ma­papansin mo talaga na mas mahal pa ng taong otso ang kanyang negosyo kaysa sa kanyang pamilya. May mga taong otso rin na kapag medyo matanda na at hindi yumaman, ibinibigay nila ang pagmamahal nila sa relihiyon, kaya silang mga taong otso ang nagiging layko o mga indibidwal na kasapi ng Sim­bahan.

Dapat Gawin

Ayon sa iyong mga datos, Mrs. Pisces, maganda ang mga guhit ng iyong mga pa­lad. Ibig sabihin, kung mapa­gaganda mo ang iyong lagda, tiyak ang magaganap, anu­man ang katayuan at kalaga­- yan mo sa buhay at sa sarili mong pagsisikap, magagawa mong mapaunlad ang sarili mong kabuhayan at mapa­liligaya mo ang iyong pa­milya, habambuhay. Maaari ka ring makapagnegosyo at yumaman kahit iwanan ka ng iyong mister na magsi­simulang mangyari at ma­tupad sa taong 2028 sa edad mong 41 pataas.