Malalaking ibon na may ibinubulong, sign na susuwertehin at magkaka-love life

Socrates Magnus

Salaminin natin ang panaginip ni Ochie ng Ochie_Magbanua@face­book.com

Dear Professor,

Ano ang ibig sabihin ng panaginip ko na may pumasok na malalaking ibon sa bintana ng ku­warto ko habang natu­tu­­log ako?

May ibinubulong sila sa akin pero, hindi ko maunawaan.

Natakot ako at nagsi­sigaw tapos, nagising na ako.

Maraming salamat!

Naghihintay,

Ochie

Sa iyo Ochie,

Ang ibon sa panagi­nip ay nagbabalita ng pag­dating ng masusu­werteng araw. Kaya ayon sa iyong panaginip, susu­wertehin ka na.

Bago mapanaginipan ang mga bagay o pang­yayaring nagbabalita ng pagdating ng mga su­werte, ang nanaginip ay inip na inip na at nag-aaka­lang hindi na siya susu­wertehin.

Ang iba pa nga ay tampung-tampo na sa langit dahil iniisip nila na tila bingi ang langit sa kan­yang mga request.

Kaya suriin mo ang buhay mo ngayon. Kabi­lang ka ba sa mga nag-akala na hindi na susuwer­tehin?

Kung oo, muli, ayon sa iyong panaginip, susu­wertehin ka na.

Paano kung wala sa iyo ang mga kahulugan ng ibon sa itaas?

Ikaw ba ay munting dalaga o isa ka bang da­lagita o dalaga ka na pero takot kang magmahal?

Ang ibon sa panagi­nip mo ay ang magiging boyfriend mo. Hindi sa malayong hinaharap kun­di malapit na at pu­wede ring sabihing ngayon na.

Kaya mabuting ihanda mo na ang loob mo at buk­san ang iyong puso.

Hu­wag kang matakot mag­mahal at alisin mo ang pa­ngamba dahil kaya nasa lupa ang tao ay para mara­nasan nito ang tamis at ligaya ng pagmama­ha­lan.

Hanggang sa muli,

Professor Seigusmundo del Mundo