Seaman na susuwertehin din sa negosyo dahil sa palad na tumatalbug-talbog ‘pag sinalat

Maestro Honorio Ong

Katanungan

1. Matagal na akong nagsi-seaman at mara­ming beses na akong nag­pabalik-balik sa abroad at kung saan-saang bansa na ako nakarating. Ngayon, gusto kong magnegosyo na lang kaya naisipan kong sumangguni sa inyo.

2. Ano ang bagay na ne­­gosyo sa akin? Isini­lang ako noong January 8, 1976.

Kasagutan

1. Puwedeng-puwede kang magnegosyo dahil ikaw ay nagtataglay ng square type hand o elementary hand na bukod sa spongy o tumatal­bug-talbog ka­pag sinalat, kapansin-pansin ding may ener­gy ang iyong palad ka­pag hinawakan (Dra­wing A. at B. arrow a.). Nagka­taon din na ang birth date mong 8 at zo­diac sign mong Capri­corn ay bagay sa pag­ne­ne­gosyo. At dahil ikaw ay “taong otso”, pabor na pabor sa iyong ka­pa­laran ang pa­nga­nga­la­kal.

2. Kaya lang, dahil ikaw ay taong otso, asa­han mong sa simula ay maraming pagsu­bok at prob­lema ang kahaha­rapin mo bago tuluyang uma­senso ang itatayo mong ne­gosyo. Ka­pag dumating man ang na­sabing mga problema habang ikaw ay nagnene­gosyo, da­pat lamang na hindi ka sumu­ko dahil sadyang ka­akibat ng iyong likas na kapa­laran ang subukin ng tadhana o idaan sa maraming pagsu­bok upang tumibay, mahinog at tumatag ang pagkatao. At kapag ma­tatag na ang iyong pagkatao, kasunod nito ang tuluy-tu­loy na pag-unlad at pag-asenso.

3. Ang pag-aanalisang susuwertehin ka sa negosyo tulad ng sinuwerte kang ma­kapag-seaman ay madaling kinumpirma ng straight Head Line (Drawing A. at B. H-H arrow b.) sa kaliwa at kanan mong palad. Ibig sabihin, basta tinutukan mo nang husto ang isang bagay, hindi puwedeng hindi mo ito ma­kuha at tiyak na mapagta­ta­gumpayan mo ang anumang pinaplano at inaambisyon mo sa buhay.

Dapat Gawin

Kaya tama ang iyong pasya, Andoy, sa 2020, pu­wede ka nang magsimula, sa buwan ng Abril o Mayo na panahon ng summer o kaya ay Nobyembre o Dis­yembre ‘pag papalapit na ang Pasko, ang mga kalakal na may kaugnayan sa pag­kain at agricultural products at puwede ring grocery o sari-sari store, sa poblacion o sa lugar na maraming tao. Sa ganitong negosyo at itatapat ang pagbubukas sa panahong nasa first quarter o new moon o full moon ang buwan, tiyak ang magaganap, mabilis na uunlad ang inyong kabuha­yan hanggang sa tuluy-tuloy ka nang yumaman sa taong 2028 sa edad mong 52 pataas.