Birthday ng magiging super-bilyunaryo tulad ni Bill Gates ng Microsoft

Maestro Honorio Ong

Dear Maestro,

Ako ay taong tres na isinilang noong Novem­ber 3, 1988. Tulad ng nasabi sa mga artikulo ninyo tungkol sa taong tres, naranasan ko rin na laging bigo sa pag-ibig kung saan hanggang ngayong 30-anyos na ako ay wala pa rin akong GF at parang malabo na rin akong makapag-asawa. Ano ang dapat kong ga­win para sumaya naman ang love life ko?

Samantala, noong ku­muha ako ng birth certi­ficate sa NSO, ang birth date ko na nakalagay doon ay October 28, 1988.

Alin sa dalawang birth­day kong ito ang dapat kong gamitin at ipagdi­wang? Iniisip ko kasing October 28, 1988 na lang ang gamitin ko para ma­bago naman ang kapala­ran ko. Tama kaya ang naiisip kong ito?

Umaasa,

Scorpio Boy ng Bocaue, Bulacan

Dear Scorpio Boy,

Tama at maganda ang naisip mo na ang birthday mo na October 28, 1988 ang dapat mong gamitin kung saan maaari kang maging super-bilyunaryo sa birthday na ito. Ito ay dahil ang isa sa pinaka­ma­yayamang tao sa bu­ong mundo ay isinilang sa ka­parehong petsa noong 1955 at siya si Bill Gates, ang may-ari ng kumpan­yang Microsoft.

Ang ikinaganda ng birth date na 28 o 1 (2+8= 10/1+0=1) kung October 28, 1988 ang gagamitin mo at ipagdiriwang at kung kalilimutan mo na ang birthday mong No­vem­ber 3, 1988, ikaw ay magkakaroon ng guiding planet na Sun kung saan alam nating lahat na ang mga taong Sun o “taong uno” ay may malakas na karisma sa opposite sex.

Bukod pa ru’n, mas magiging madulas ang dila mo kapag kaharap mo na ang mga babae at tulad ng nasabi na, maaari ka pang maging super-yaman tu­lad ni Bill Gates.

Ibig sabihin, kapag Oc­tober 28, 1988 ang gina­mit mong birthday mula nga­yon at kinalimutan na ang dati mong birthday, bukod sa lalakas ang iyong loob, maaari ka pang yu­maman.

Hindi ka lang basta ya­yaman dahil kapag nasa 38 pataas na ang edad mo, kusa kang magkakaroon ng maraming ari-arian at tulad ng buntalang Araw, sa panahong na­bang­git, madali kang ma­kikilala at ganap na sisikat sa lipu­nang iyong ginaga­lawan.

Samantala, upang mag­tuluy-tuloy ang iyong su­werte sa larangan ng pag-ibig at pakikipagrelasyon, kapag October 28, 1988 na ang ginamit mong birth­day, ang mga babaeng iyong liligawan ay sila pa ring ka-compatible ng zodiac sign mong Scorpio, tulad ng Cancer, Pisces, Taurus, Aries, Sagittarius at kapwa mo Scorpio, hi­git lalo silang may mga birth date na 7, 16, 25, 2, 11, 20, 29, 4, 13, 22, 31, 5, 14 at 23.

Sa piling ng mga ba­baeng nabanggit, tiyak ang magaganap, habambuhay ka nang magiging mali­gaya at mabilis ang ma­ga­ganap kung saan pagsapit ng taong 2026 at sa edad mong 38 pataas, bukod sa may masaya at maunlad na pa­milya ka na, unti-unti na ring lalago ang inyong ka­buhayan hanggang sa tu­luyan na kayong yuma­man.