16 boga, isinuko ng magsasaka

CEBU CITY—Isinuko ng isang magsasaka ang kanyang 16 na iba’t ibang uri ng baril at mga bala kamakalawa sa headquarters ng Police Mobile Force Company.

Ang magsasaka ay nakilalang si Mark Villardo, residente ng Bgy. Lusaran sa naturang lungsod.

Isinuko ni Villardo ang mga armas bilang pagsunod sa panawagan ng pulisya sa mga sibilyan na isurender sa mga awtoridad ang kanilang mga baril na walang lisensiya.

Nanawagan ang pulisya sa iba pang sibilyan na isuko na rin ang kanilang mga baril na walang lisensiya upang hindi makasuhan ng illegal possession of firearms and ammunitions.