Gustong malaman kung kelan mamamatay sa dami ng sakit

Maestro Honorio Ong

Katanungan

1. Sa edad kong 51, bakit kaya ang dami ko nang nararamdamang sakit sa aking katawan? May rayuma na ako at dia­betic, gayung bata pa na­man ako.

2. Sa palagay ninyo, aabutin ko pa kaya ang edad 75 na siyang target kong edad?

3. Ayaw ko kasing pa­hirapan ang pamilya ko kung hindi na ako maka­tayo sa aking higaan at wala nang silbi dahil ka­wawa naman ‘yung mag-aalaga sa asawa at mga anak ko.

4. Maestro, nakikita rin ba sa guhit ng mga palad kung anong edad mama­matay ang tao at kung gaano katagal ang haba ng buhay nito sa mundo?

Kasagutan

1. Masasabi ngang parang wala ring ku­wentang ma­buhay, lalo na kung iisipin mong tuma­tanda, nag­kaka­sakit at pagkata­pos ay mamamatay lang din ang isang tao.

2. Bakit kaya ka­ilangan pang mag­ka­sakit, manghina ang pisikal na katawan at pagka­tapos ay mamamatay, ga­yung kaysa­rap pa namang mabuhay?

3. Samantala, nakikita rin sa guhit ng palad kung gaano katagal ang ilalagi ng indibid­wal sa mundong ito.

4. Sa kaso mo, Mel, na­ka­tutuwa na makitang huma­ba ang Life Line (Drawing A. at B. L-L arrow a.) sa kaliwa at kanan mong palad. Ibig sabihin (arrow a.), mararating mo pa ang ideal age mo na 75 pataas kung ngayon pa lang ay mag-iisip ka na ng ma­paglilibangan tulad ng maliit na negosyo o kaya naman ay makilahok ka sa public service or civic organization project na may layuning tu­mulong sa mga taong ma­hihirap at nangangailangan.

5. Anumang sektor ng lipunan ang nais mong tulu­ngan ay maaari at puwede rin sa religious activities sa inyong lugar kung saan ayon sa mga pananaliksik, ang pag­sali sa mga samahang pang-Simbahan ay sinasa­bing na­kapagpapahaba rin ng buhay.

6. Sa ganyang paraan, magkakaroon ka ulit ng res­ponsibilidad sa iyong ka­pwa, puwede ring magling­kod ka sa inyong Simbahan o kung anumang relihiyon ang iyong kinaaaniban. Pu­wede ring ikaw na ang mag­paaral at mag-alaga sa ilan mong mga apo kung saan sa parteng iyon ng iyong bu­hay, magkakaroon ka ng silbi tulad ng naipaliwanag na, tuluy-tuloy na hahaba pa ang buhay mo at maaari mong maabot ang ideal age mo na 75 pataas.

Mga Dapat Gawin

1. Sa mga kabataan d’yan at ganundin sa mga malapit nang tumanda, tu­nay ngang dapat na ngayon pa lang ay paghandaan mo na ang iyong pagtanda at planuhin kung ano ang iyong gagawin sa panahon ng iyong retirement age upang kapag dumating ang panahong iyon ay hindi ka maging alagain at lumabas na kaawa-awa.

2. Ayon sa iyong mga datos, Mel, kung ngayon pa lang ay maglalabas ka na ng bahay at sasali sa mga gawa­ing may kaugnayan sa pag­lilingkod sa kapwa, tiyak ang magaganap, kahit sabihin pang kung anu-ano ang iyong nararamdaman, lalakas at sisigla ka. Mararamdaman ng unconscious-self mo na may silbi ka pa sa mundo at ma­rami ka pang mga bagay na puwedeng gawin, kaya tulad ng nasabi na, marami ka pang mga taong dapat pagling­kuran at mahalin, kusang hahaba at lalo pang magiging produktibo ang buhay mo sa mundong ito.