Unang ibinayad, kulang, 'di nakalusot… Kris, hinabol ng BIR

Vinia Vivar / FRANKLY SPEAK

Ibinahagi ni Kris Aquino sa kanyang Insta­gram account na nagkaroon siya ng biglang pa­nga­nga­ilangan sa cash para bayaran ang kanyang tax sa BIR dahil tila nagkamali ang kanyang accounting firm sa computation.

“I still have a month & 10 days (counting it from tomorrow when Alvin remits payment) to make good on the 2nd half of a big BIR tax bill for 2018... nag- “man up” naman ‘yung account­ing firm ko, acknowledged & sin­cerely apologized for their oversight kaya ‘yung nakaka­gu­lat na kailangang idagdag na bayad sa buwis, tahimik kong tin­­rabahong magawan ng pa­ra­an...” ang bahagi ng post ni Kris.

Dagdag pa niya ay lesson na ito for her at sa iba ring tao na tulad niyang nagnenegosyo.

“Sharing this because it’s a lesson for me & hopefully for others na habang kumikita at kaya, importante talagang mag­tabi ng cash - maganda po ang investments pero mahirap ‘pag mas­yadong matagal nakatali ang pera, lalo na ‘pag may mga emergency or kagaya ko, mala­king kailangang bayaran na may deadline.”

Ibinalita rin niya na kahapon ay nagbayad na siya ng kanyang tax in full amount at pagkatapos nito ay magpapa-renovate na siya ng bahay for her eldest son, Joshua, dahil nasa tamang edad na raw ito para magkaroon ng privacy.