Mga pagkaing pantanggal-pagod

PROBLEMA mo ba ang palaging pagod? Alam mo ba na may mga pagkaing makatutulong para mawala ang pagod natin?

madalas tayong nali­lipasan ng gutom tuwing abala sa pag-aaral, pagta­trabaho at sa mga gawa­ing-bahay kaya minsan, hindi na tayo nakakakain at pinipili na lang na ma­tulog kahit alam nating hindi ito nakabubuti sa ating kalusugan. Kaya mga besh, narito ang ilang pagkain na dapat nating kainin kapag pa­god tayo:

1. MAIS. Nagtataglay ito ng mataas na fiber con­tent at may dalawang antioxidants na lutein at zeaxanthin na nagpopro­tekta sa ating mga mata laban sa blue light na na­kukuha sa madalas na paggamit ng computer.

2. SAGING. Dahil sa taglay nitong potassium at tryptophan, nare-re­gulate nito ang ating mood. Gayundin, napa­ga­ganda nito ang paki­ram­dam natin, lalo na kung nakara­ramdam tayo ng pagod. Inirereko­men­da ng mga eksperto ang pagkain nito, araw-araw.

3. MANSANAS. Isa ito sa mga makatutulong upang maging kalmado ang pakiramdam natin. Gayundin, nakapagbibi­gay ito ng enerhiya at overall happiness dahil sa taglay nitong Vitamins B1, B2, B6, C, at E. ‘Ika nga, an apple a day, keeps the doctor away.

4. CITRUS FRUITS. Halimbawa nito ang orange, amanatsu, cala­mansi, le­mon, lime at pomelo na mayroong Vitamin C at collagen production na makatutulong para mai­wasan ang pagda-dry ng balat.

5. SALAD. Mayroon tayong iba’t ibang pa­raan sa paggawa ng salad pero mainam na lagyan ito ng lettuce at cucumber. Ang lettuce ay nagtataglay ng 95% ng tubig habang ang cucumber ay may 96%. Mayroon din itong diure­tic property na tumutu­long para mai-flush ang toxins sa katawan, Vita­min B, phosphorus, cal­cium, zinc at iba pang mi­nerals na likas ding maka­tutulong para mapanatili ang pagiging healthy.

6. WATERMELON. Kung hindi ka mahilig uminom ng tubig, pu­wede itong alternative dahil mayroong 92% water ang watermelon. Nakapagpa­pagaan din ito ng pakiramdam dahil sa taglay nitong Vitamins A, B6 at C, lycopene, anti­oxidants, amino acids at potassium.

Mga beshie, ilan la­mang ang mga ito sa mga pagkain na makabubuti sa ating kalusugan. Mura na, masustansiya pa.

At hindi rin dapat nag­papalipas ng gutom kaya naman mabuting panga­lagaan ang ating kalusu­gan dahil ‘ika nga nila, health is wealth. Stay healthy, mga ka-Bulgar!

Copy?