Asia’s lashes, umentra sa d-league q’finals

INUNGUSAN ng Asia’s Lashes Tomas Morato ang iWalk, 72-70,upang ganap na umusad sa 2019 PBA D-League Foundation Cup quarterfinal round kahapon sa Ynares Sports Arena sa Pasig.

Isinalpak ni James Castro ang go-ahead lay-up may 46 na segundo pa ang nalalabi upang isalba ang Soldiers. Tumapos si Castro na may 13 puntos, 5 rebounds,2 assists, at tig-isang steal, at block para siguruhin ang pag-angkin ng Asia’s Lashes ng ikatlong slot sa Group A sa next round.

Sa kabila ng panalo, hindi ikinatuwa ni coach Alvin Grey ang ipinakitang complacency ng kanyang players nang lumamang ng 1 puntos. “Sabi ko sa kanila bawal matalo dahil pag natalo kami, meron kaming chance na matanggal. Ngayon na nanalo okay na, kaso masyado silang nagre-relax,” ayon kay Grey. Binura ng iWalk ang 65-58 na lamang ng Asia’s Lashes at lumamang pa sa iskor na 70-69 may natitira pang 1:32 sa 4th period. (VA)