Obiena, swak na sa 2020 olympics

MATAGUMPAY na nakamit ni Filipino Pole Vaulter Ernest Obiena ang puwesto sa 2020 Tokyo Olympics matapos makuha ang Qualifying mark noong Martes ng gabi sa Salto Con L’Asta Piazza Chiari Meeting 2019 (Auction Meeting in the Square Pole Vault 2019) sa bansang Italy.

Tumalon ang 23-anyos ng personal best na 5.81 Mark sa ikalawang gabi ng Auction meeting upang maging kauna-unahang Filipinong atleta na makapasok sa 2020 Olympics sa susunod na taon sa Tokyo, Japan. “I really wanted a result like this, it finally arrived!” wika ng dating University of Santo Tomas engineering student sa panayam ng BULGAR. “I’m really aiming to get the 5.80 mark. I know I am capable and I am lucky to be invited to this prestigious meeting. I just look at it as opportunities that I can use to improve and be better and represent our flag to the international stage. When I compete, I just don’t bring myself to the field I bring the whole nation with me which gives me strength beyond measure,” pahayag nito matapos ang ilang buwang pagsali sa mga kompetisyon sa Europa.

Sa tagpong iyon, sinubukan ng Universiade gold medalist na kunin ang continental record na 5.93m ng tatlong beses, ngunit ito’y nabigo. Gayunpa­man, nanatiling malaki ang tsansa nito na sasabak rin sa 30th edisyon ng South Asian Games sa bansa sa Nob. 30 hanggang Dis. 11 ngayong taon.

“The percentage is high,” sambit ng ama nitong si coach Emerson Obiena hinggil sa posibilidad na mag-gold ito sa SEAG kung saan kinuha ni Porranot Purahong ng Thailand ang gold at Games record na 5.35m. Patuloy ding nasa top-20 ng International Association of Athletics Federation (IAAF) World rankings si Obiena matapos ang mga tagumpay sa Asian Athletics Championships sa 5.71m sa Doha, Qatar nitong nakalipas na Abril, kasunod ang record-breaking performance sa World University Games o Universiade, kung saan kinuha niya ang 5.76 mark, habang inuwi rin niya ang ginto sa 5.55 meters sa 2019 European Athletics Classic Meeting sa Padua, Italy noong Hulyo 16 at matapos ang apat na araw sa Jump and Fly Baxter Meeting sa Mossingen, Germany noong Hulyo 20 sa 5.63 meters.

Sunod na paghahandaan ni Obiena ang World Championships sa Doha, Qatar sa Setyembre 27 hanggang Oktubre 6.