Bebot na may edad na, susuwertehin at makapag-a-abroad pa rin sa tulong ng kaibigan

Maestro Honorio Ong

Dear Maestro,

Sa edad kong 37, may pag-asa pa kaya akong ma­karating sa ibang bansa at makapagtrabaho?

Isinilang ako noong April 4, 1989. Mayroon akong kaibigan na nagpa­ pa­balik-balik sa Dubai at noong nakaraan, nalaman kong ikakasal na siya sa BF niyang foreigner na may negosyo roon.

Sabi niya noon, kapag ikinasal sila ng BF niya ay kukunin daw niya ako at tutulungang makapagtra­baho ru’n. Totohanin kaya ng kaibigan kong ito ang kanyang pangako na isa­sama ako sa abroad at tutu­lu­ngang makahanap ng ma­­gandang trabaho?

Kasalukuyan akong nagtatrabaho sa mga ma­gulang niya bilang katu­long. October 19, 1987 ang birthday ng kaibigan ko. Compatible ba kami at ma­tutulungan kaya niya ako para makapunta sa Dubai?

Umaasa,

Vicky ng Rosario, Pinamalayan, Oriental Mindoro

Dear Vicky,

Madalas, sa hindi inaasa­hang pagkakataon ay mga kaibigan natin ang nagiging blessing sa ating buhay, ga­yundin, sila ang hindi sina­sad­yang nagpapahamak sa atin.

Ganu’n talaga ang buhay dahil kadalasan, hindi natin mapipili ang kaibigan. Kum­baga sa kamag-anak, kusa rin silang dumarating sa ating buhay. Ang kaibahan ng kai­bigan sa kamag-anak ay ‘yung kaibigan ay puwede mong iwasan, pero ‘yung ka­mag-anak, kahit anong iwas mo, mananatiling kadugo at kamag-anak natin sila.

Samantala, nakatutu­wang isipin na compatible ang birth date mong 4 sa birth­day ng kaibigan mo na 19 o 1 (1+9=10/1+0=1) kung saan kadalasan, ang mga nu­mero uno tulad ng 1, 10, 19, at 28 na tulad ng kaibigan mo ay siyang nakatutulong sa mga numerong kuwatro tu­lad ng 4, 13, 22 at 31 na tulad ng birthday mo. Dahil dito, siyento-porsiyento, bi­big­yan ka niya ng suwerte at sa kabilang banda ay suwerte ka rin sa kanya.

Hindi lang ang nume­rong uno (1) at numerong four (4) ang magkatugma dahil ang zodiac sign mong Aries ay angkop na angkop din sa zodiac sign na Libra ng kaibigan mo. Ito ay dahil ang Aries at Libra ay “com­plementary compatible” sa isa’t isa. Ibig sabihin, ang mga bagay na nawawala sa iyo ay maibibigay niya habang ang mga bagay na hinahanap niya ay matatagpuan niya sa iyo.

Kaya ngayon pa lang, sipagan at pagbutihin mo na ang pagtatrabaho sa bahay ng iyong kaibigan, gayundin, pagbutihin at galingan mo ang pag-aayos ng mga papeles mo at pag-a-apply sa abroad.

Ayon sa iyong Travel Ca­lendar, basta magtiwala ka lang sa iyong kaibigan, hindi ka niya pababayaan at tiyak na ang magaganap, sa first quarter ng 2020, matutupad na ang iyong pangarap at sa tu­long ng iyong kaibigan, maka­pagtatrabaho ka sa Dubai hanggang sa tuluy-tu­loy nang umunlad ang iyong career at kabuhayan.