Pacman, gustong kasahan ni Garcia

MAY isa pang kasadong laban si four division world champion Mikey García sa huling bahagi ng taon na ito ng 2019 at kasunod nito ay itataas niya ang kanyang mga kamay upang maging isa rin sa humahamon kay WBA welterweight champion Manny Pacquiao sa isang mega-bout sa 2020.

Sumalang sa welterweight debut fight si Garcia noong Marso nang umakyat siya sa dalawang weight classes pero tinalo ni IBF champion Errol Spence sa 12 rounds.

Bagamat nalasap niya ang lakas ni Spence, kumpiyansa si Garcia na nasa kondisyon siya upang harapin ang kahit sino sa 147 pounds. Humanga si Garcia sa panalo ni Pacman noong Hulyo nang talunin sa split decision si Keith Thurman.

“We haven’t decided what we’re going to do, but what I’d like to do is make a fight before the end of the year and then look for a big fight, with someone like Manny Pacquiao,” saad ni Garcia sa ESPN Deportes.

“I think that would be my goal, but there are many plans, interesting things to come, the loss to Spence did not close the doors for me at all.”

May paramdam na umano si Mikey sa ilan na niyang nakausap na promoters. Una na rin daw siyang kinausap para sa isang lukratibong laban ng Premier Boxing Champions, Eddie Hearn ng Matchroom at nagkainteres din sa kanya ang dating promoter na si Bob Arum ng Top Rank. Lahat ng tatlong promotional entities ay may iba’t ibang alok na opsiyon para sa boksingero.

“In the next few days we will say what we’re going to do. We know that good things are coming, personally I would not like to enter a contract for multiple fights, because I’d like to keep myself a free agent... it has worked for me so far. I feel good, but let’s see what happens. There are options on the table, and we will soon make a decision,” dagdag ni Garcia. (MC)