Gerald, iniwasan sa karera… CHIENNA NAAKSIDENTE, KOTSE WASAK-WASAK

Anj Cabilla / PAK ANG GANAP

Photo: @chiefilomeno

SA ginanap na Vios Racing Festival noong Sabado (August 31) sa Clark International Speedway (CIS) sa Clark Freeport Zone sa Mabalacat, Pampanga, muntik nang magkabanggaan ang minamanehong sasakyan nina Gerald Anderson at It’s Showtime GirlTrend’s member na si Chienna Filomeno.

Sa ibinahaging video clip ni Gerald sa kanyang IG account, mapapanood na nangunguna sa karera ang minamanehong sasakyan ng aktor pero dahil sa tuluy-tuloy na pag-ulan ay dumulas ang race track kaya nagpaikut-ikot ang kotse nito at huminto sa gitna. Mabilis naman na nakasunod si Chienna at muntik na nitong mabangga ang kotse ni Gerald.

Caption ni Gerald: “#4 Gerald Anderson... When you fall or lose your way... do everything you can to get back on the right track. Nice save chie @chiefilomeno.”

Kung nakaiwas si Chie sa paikut-ikot na kotse ni Gerald, hindi pa rin siya nakaligtas sa aksidente nang mawalan ng kontrol ang kotse niya at bumangga sa harang na bakal sa gilid. Wala namang tinamong galos ang GT member, pero masakit ang katawan niya dahil sa aksidente.

Ibinahagi ng Star Magic artist ang video ng aksidente at larawan ng kotse na maki­kitang wasak-wasak ang harapan.

Aniya, “Woke up and my body is in so much pain, but I’m beyond grateful that I am alive and no one else got hurt.”

Ibinahagi rin niya sa madlang pipol kung bakit binabalikan pa rin niya ang sport na car racing kahit napakadelikado nito.

“I still find myself coming back to this sport, the adrenaline rush it gives me is out of this world, it’s so hard to explain why we keep doing it despite the danger, pero ‘pag mahal mo, mahal mo, eh.

“I got into an accident (much worse than the last time, swipe to see it. First time experiencing aquaplane. I guess there’s always a first time for everything. Hehe!

“Tapos, nalaman ko lang sa ambulance na 2nd na sana ako, hahaha! It’s okay, bawi-bawi on Race 6 and wasn’t able to finish the race.

“It felt like the world was against me the whole weekend but that won’t stop me from doing what I am passionate about, I just have to move on from it—hit the restart button. Smile lang! See you on November for the next leg! No pain no gain. Hehe,” pahayag niya.