Bukod sa lagi kang inspired, besh... MGA BENEFITS NG PAGKA-KAROON NG LIFE PARTNER

MASARAP ma­pag-isa dahil maga­gawa mo ang mga bagay na gusto mo sa pinakakompor­tab­leng paraan na para sa iyo, walang ibang taong maki­kialam sa ginagawa mo. Pero, kasabay nito, ma­ra­ming ba­gay din ang hindi natin ma­ga­gawa kung mag-isa lang tayo dahil ‘ika nga nila, “no man is an island”. Puwede pa rin na­man tayong maging in­dependent nang meron tayong ka­sama hanggang sa unti-unti nating ma-achieve ang goals na­­­tin sa buhay.

Kapag mag-isa lang tayong haharap sa buhay, hindi natin kakayanin. Kahit paano, kailangan natin ng partner in crime. Bakit nga ba?

1. PARA MA-INS­PIRE. Ang life partner ay magpa­payo sa atin nang walang kasawaan. ‘Yung life partner na makikinig sa atin nang walang halong panghu­husga habang tinutulungan tayong mas makilala pa na­tin ang ating sarili.

Sila ‘yung alam na alam kung paano ka itsa-challenge para i-push mo pa ang sarili mo para sa ika­bubuti at ika­uunlad mo. Partner na mag­sisilbing ins­pirasyon para maging ma­tatag ka sa buhay.

2. PARA SUMUPOR­TA. Ang life partner ay ang taong susuporta at uunawa sa atin sa tunay na kahulugan, suportang hindi mai­bi­bigay sa atin ng ka­hit sino kundi sila lang.

Ang buhay ay wa­lang ka­siguradu­han, ngu­nit, ang relia­bility ng life partner ay palagi nating maa­asahan.

3. PARA MAY MAKA­SAMA. Ang friendship, parang araw lang na lilipas din para palitan ng gabi. Ito ang masakit na ka­to­toha­nang kailangan nating tanggapin.

Ngunit, ang life partner ay hindi lilipas, kailanman, kahit lumipas pa ang oras at mata­bunan ng mala­yong dis­tan­siya, sila ‘yung palaging nandiyan para sa iyo, sa ma­sasaya o mapapait na pa­nahon sa buhay.

4. PARA MAG­­K­­A­ROON NG TA­ONG PA­LAGI TA­YONG HINA­HANAP. Masarap sa feeling ‘yung meron kang ma­la­la­pitan, pero mas masarap sa feeling kapag may taong pa­lagi kang hinahanap dahil hindi kumpleto ang araw nila kapag hindi ka nila nakasa­ma.

Sabi nga ng therapist na si Dr. Maria Baratta, sad­yang powerful ang pagka­karoon ng taong nagma­mahal at nagpapahalaga sa atin sa kabila ng lahat ng imperfections natin, kahit hindi man natin hilingin.

Marahil, kaya na­ting bumuo ng sarili nating mundo, lalo na kung pa­kiramdam mong sarili mo lang ang mapag­kakatiwalaan mo.

Pero hindi ba, mas ma­­sarap sa paki­ramdam kung alam mong sa kabila ng pi­naka-worst na ikaw, may tao pa rin na kaya kang i-handle at unawain, for better or for worse?

Tandaan nating magka­iba ang life partner at roman­tic relationship at the best pa ring life partner ang ating pamilya.