Tips sa lalaking mahina ang loob pero gustong mag-seaman

Maestro Honorio Ong

Dear Maestro,

Isinilang ako noong March 7, 1985 at kasalu­kuyan akong nag-a-apply sa barko bilang seaman.

May pag-asa kaya akong makasampa sa barko nga­yong taon at sa pa­anong paraan? Kung hindi nga­yong taon, kailan kaya ako susu­wer­tehin na ma­ka­pagbarko?

Umaasa,

Darwin ng Punta, Santa Ana, Manila

Dear Darwin,

Ang ibig sabihin ng numero mong 7 ay mahina ang loob, kabilang kasi ang numerong 7 sa mga tinata­wag na weak number tulad din ng 2, 11, 20, 29, 16 at 25, kaya palaging aasa ang kanilang kapalaran sa ibang puwersa o lakas at nagka­taon pang Pisces ang iyong zodiac sign na nangangahu­lugang maramdamin o may pagkaemosyunal kang nila­lang.

Ang totoo nito, natutu­lad ang inyong kapalaran sa dahon na nahulog sa batis habang tangay-tangay ng agos ang nasabing dahon na kung saan-saang batuhan napapadpad hang­gang sa tuluyan malanta, madurog at matunaw.

Subalit, magbabago la­mang ang negatibong kapa­larang ito ng mga taong nag­tataglay ng weak number sa sandaling nagkaroon sila ng kaibigan, bestfriend, part­ner o sabihin na nating asawa na may strong perso­nality at silang nagtataglay ng strong personality ay kada­lasang may mga birth date na strong number tulad ng 1, 10, 19, 28, 8, 17 at 26 at may mala­man at makapal na mga palad sa sandaling sinalat.

Ang nasabing mga nila­lang ang tunay ngang mag-aahon sa “dahon na tinata­ngay-tangay ng agos sa batis” upang tuluyan na si­lang umun­lad at magkaroon ng panga­rap at layunin sa bu­hay.

Basta ang tandaan mo ay may ibang puwersa o la­kas na tutulong sa iyo upang magbago at gumanda ang iyong kapalaran at tulad ng nasabi na, ang ibang mga pu­wersang ito ay silang mga taong naiimpluwensiyahan ng strong number.

Kaya sila ang hanapin mong “booker o taga-follow-up” ng iyong mga papeles nang sa gayun, mas madali kang makaalis at maka­pa­ngibang-bansa higit lalo kung ang nasabing mga tao ay un­der sa zodiac signs na Cap­ricorn, Virgo, Leo, Libra, Can­­cer, Scorpio at kapwa mo Aries.

Bukod sa kulay berde, ma­palad ka rin sa kulay di­­law na siyang dapat mong isuot sa tuwing may lala­karin kang mahahalagang bagay.

Ang berde at dilaw ay pu­wede mo ring isuot sa pa­nahon ng panliligaw o kapag may date kayo ng girlfriend mo upang higit na maging paborable sa iyong kapala­ran ang nasabing araw.

Samantala, ayon sa iyong Career Calendar na ki­numpirma ng iyong Travel Ca­lendar, sundin mo lang ang mga simpleng rekomen­dasyong inilahad na sa itaas, palagi kang humingi ng tu­long, makipagkuwentuhan at makipagkaibigan sa mga taong may strong persona­lity, tiyak ang magaganap, hindi matatapos ang 2019, pinakamatagal na sa first quarter ng 2020, matutupad na ang malaon mo nang pa­ngarap – ang mabunga at mabiyayang pagbabarko na itatala sa iyong kapalaran.