BIR Chief Dulay, napuno na, Mon Tulfo, kinasuhan ng libel at cyberlibel

KA AMBO / BISTADO

LAHAT ng bagay ay may hangganan.

Hanggang kailan ka magpapasensiya at uunawa?

◘◘◘

TILA nag-ala-”Fer­nando Poe, Jr.” si BIR Chief Caesar Dulay.

Napikon na siya sa brodkaster na si Ramon Tulfo.

Kumbaga, napuno na ang salop!

◘◘◘

DATI-RATI ay tahi­mik lang si Dulay, pero napuwersa na siyang magsampa ng libelo at cyberlibel kontra kay Tulfo.

Ito ay batay sa serye ng mga kolum na nailathala sa broadsheet newspaper!

◘◘◘

INAKUSAHAN ni Tulfo sa kanyang column na pinamagatang “My Line of Sight: Conversation between two BIR execs reveals all” si Dulay na mayroong “skeletons in the closet at the graft-ridden agency.”

Sinundan ito ng kolum noong Agosto 8 at pinalalabas na si Dulay ay “insatiable greedy extortionist, a cheat and a corrupt official in president Digong’s government.”

◘◘◘

SA ikatlong kolum noong Aug. 20, nana­wagan si Tulfo ng im­bestigasyon sa korup­siyon laban kay Dulay .

Ayon kay Dulay, ang nasabing mga column ay pawang wa­lang katotohanan at nakasisira ng imahe ng opisyal!

◘◘◘

IDINIIN ni Dulay na, “not only directly pictured me as a corrupt official, an animal, a thief, minion of Satan, greedy bastard” at maging “maliciously portrayed me as a ‘criminal’”.

Humihingi si Du­lay ng danyos na P20 million para sa damages at precautionary hold departure order laban kay Tulfo!

◘◘◘

KAILAN kaya mata­­tapos ang isyung ito?

Hindi kaya maaa­ring aregluhin na lang ito ng Malaca­ñang?

◘◘◘

MAGING si BIR executive Teresita Angeles na inakusahan din ni Tulfo na babae sa likod ng video recording na nagsabing may mala­wakang korupsiyon sa BIR ay lumantad na rin upang itanggi na siya ang nasa video.

Dumarami na ang nadadamay sa isyung ito!

◘◘◘

MAS makabubuti ay pagharapin ni P-Digong ang dalawa niyang ayudante.

Sa tingin natin, la­la­­wak pa ito at maaa­ring madamay ang ad­minis­trasyong Duterte!