Ulyanin ka na ba? PAKIKIPAG-SEX, EPEKTIB NA PAMPATALAS NG MEMORY

Jersey Sanchez / Gulat ka 'noh?!

NAGIGING ma­kalilimutin na ba kayo, momshies at popshies? Ito ay da­hil minsan, tuma­tanda na tayo. Pero puwede ring maka­lilimutin lang talaga tayo.

Ano nga ba ang so­lus­yon para rito? Alam ba ninyo na base sa pag-­a­aral, ang mas madalas na pa­kikipagtalik ay makatu­tulong para gumanda ang memorya ng tao?

Weh, ‘di nga?

Sa pag-aaral na nai-publish sa Archives of Sexual Behavior, napag-alaman na ang pakiki­pag­talik, partikular kung med­yo tumatanda na ay na­kapagpapababa ng tsan­sa ng memory loss.

Isinagawa ito sa mahi­git 6,000 adults na nasa edad 50 pa­taas kung saan ina­tasan ang mga ito na gu­mawa ng me­mory test, gayun­din, sinagot ng mga ito ang kata­nungan na may kaugnayan sa ka­ni­lang diet, kalu­sugan, sexual acti­vity at kung gaano sila ka-emotionally attached sa kanilang part­ner.

Pagkalipas ng dala­wang taon, muling isina­gawa ang parehong me­mory test. Lumabas sa re­sulta na ang mga kalahok na sexually active at emo­tionally attached sa kani­lang partner ay mayroong magandang memory per­formance.

Sa katunayan, ang ka­ug­nayan ng mas madalas na pakikipagtalik at ma­gandang memorya ay na­tagpuan sa mga mas naka­tatandang kalahok.

Ayon sa lead author ng pag-aaral na si Mark Allen ng University of Wollongong sa Australia, intimacy ang nag-i-sti­mulate sa mga bahagi ng utak na konektado sa me­morya kaya mas madaling nakaaalala ang indibid­­wal.

Ilang pag-aaral ang sumuporta sa naturang re­sulta. Sa pag-aaral noong 2015 sa Man­chester Uni­versity, napag-ala­man na ang mga el­derly o na­ka­ta­tanda na sexually active ay mayroong ma­gan­dang cogni­tive func­tion kabi­­lang ang me­morya.

Isinagawa ang pag-aaral na ito sa 1,700 katao na nasa edad 58 hang­gang 98. Pagkatapos isa­gawa ang serye ng tests para masukat ang kani­lang brain power, na-dis­cover ng mga researcher na ang mga kalahok na madalas makipagtalik ay nakakuha ng mas ma­gan­dang resulta sa tests kum­para sa mga hindi sexually active.

Samantala, sa isa pang pag-aaral na nai-publish sa Public Library noong 2010, ang sexual activity ay nagpo-promote ng cell growth sa hippocampus, ang bahagi ng utak na mayroong ‘key role’ sa memorya at kung paano naiipon ang kaalaman.

Akalain n’yo ‘yun? Sino ba ang mag-a­akala na makatutulong ang paki­kipagtalik sa ating me­morya?

Kaya sa mga pa­rent at grand­parent na­ting nagi­ging makalilimutin, alam n’yo na, ha?

Ha-ha-ha!