Pinatulan si kumare habang nasa abroad si kumpare, nagtikiman nang paulit-ulit bago na-guilty

Maestro Honorio Ong

KATANUNGAN

1. May kumare ako na tawagin na lang natin sa pangalang Lilian, mas bata siya sa akin ng li­mang taon at hindi ko alam na kaya pala niya ako kinuhang ninong sa panganay nilang anak ay dahil may lihim pala si­yang gusto sa akin. Sa ngayon, nasa abroad si kum­pare at dahil wala ang kanyang mister, doon na nagsimula ang lihim naming relas­yon. Inamin niyang noon pa raw niya ako gusto kay­sa sa ka­sa­lukuyan ni­yang asawa, kaya lang daw nauna akong mag-asawa kaysa sa kanya at hindi ko raw siya nili­ga­wan noong mga binata at dalaga pa kami.

2. Noong bago pa lang ang relasyon na­min ay regular at ma­dalas ka­ming nagta­tag­po nang palihim at regular ding may nang­yayari sa amin. Pero, ngayon ay umiiwas na ako kasi natatakot din ako sa ginagawa na­min.

3. Kaya lang, nang mapansin niyang umi­iwas na ako, may si­nabi siya sa akin na hindi ko makalimutan, bahala raw ako kapag nabisto kami ng mis­ter niya at misis ko.

4. Magkasundo rin kasi sila ng misis ko at ma­dalas na nagku­ku­­wen­­tuhan kaya ki­naka­bahan ako dahil ayaw kong masira ang aming pamilya.

5. Ano sa palagay ninyo, Maestro, kung tu­luyan ko ng iwasan ang babaeng ito, isusum­bong kaya niya ang lihim na­ming relasyon at baka ito pa ang maging dahilan para magkahiwalay kami ng misis ko at ma­sira ang aming pamilya?

KASAGUTAN

1. ‘Yan ang masaklap, Mar, gagawa-gawa ka ng kasalanan, pero ngayon ay natatakot ka sa magi­ging resulta.

2. Sabagay, talagang ga­nu’n ang mga “good boy” kapag nakagawa ng kasa­lanan o pagkakamali dahil hindi sila sanay sa ka­­nilang ginawa, madali si­lang na­tatakot.

3. Gayunman, huwag kang masyadong matakot at kabahan dahil bagama’t, may malinaw na Guhit ng Pambababae (Drawing A. at B. I-I arrow a.) sa kaliwa at kanan mong palad, ito ay hindi naman gaanong umu­sad at nagtagumpay, sa halip, matapos lumag­pas sa Life Line (L-L ar­row b.), kaagad ding na­wala ang na­sabing Guhit ng Pamba­babae (arrow c.) sa kaliwa at ka­nan mong palad. Ito ay ma­linaw na tanda na ba­ga­ma’t, na­gawa mong mam­ba­bae ito ay maiiwa­san mo rin na­man dahil tulad ng nasabi na, likas pa rin sa iyong puso at pag­ka­tao ang pa­giging ma­buting nila­lang at ang ikinaganda nito da­hil likas ka ngang takot gu­mawa ng kasa­lanan, tu­­nay ngang sa su­sunod kung may pagka­ka­taon mang muli na mam­babae ka, ito ay hindi mo na su­sung­gaban kung saan ang pag-aanalisang min­san lang kakatok sa iyong ka­rana­san ang pagkaka­sala o pambababae, pero hin­di na muling mauulit pa ay ma­dali namang kinum­pirma ng malinaw, ma­kapal at kaisa-isang Mar­riage Line (Drawing A. at B. 1-M ar­row d.) sa kaliwa at kanan mong palad. Tan­da na anuman ang mang­yari sa ginagawa mong pam­bababae ngayon, lub­hang mapalad ka pa rin dahil tulad ng na­sabi na, ang lahat ng ‘yan sa da­kong huli ay lilipas din hanggang sa maluwal­hati mong malusutan ang min­sang pambababae na iyong ginawa ay mauuwi na sa isa sa mga masa­sarap, pero makasalanang bahid ng alaala sa iyong isipan.

MGA DAPAT GAWIN

1. Habang ayon sa iyong mga datos, Mar, na­katakda na ang ma­gaganap habang unti-unti mong ini­iwasan ang iyong kumare kusa nang papabor sa iyo ang kapalaran, pagda­ting ni kumpare o ng kan­yang mister mula sa ab­road, ganap na ring hu­hupa ang pagna­nasa ninyo sa isa’t isa.

2. Sa sandaling hu­mupa ang libido, tuluy-tu­loy na ring mabubura ang interes ninyo sa isa’t isa hanggang sa hin­di na ma­ulit pa ang inyong li­him na pagtatagpo at pag­ki­kita, mabilis ang maga­ga­nap dahil hindi na kayo nagki­kita, sa bandang huli, mag­kakalimutan na rin kayong dalawa at ma­lu­walhati ka nang maka­ag­mu-move on at maka­ba­balik bilang tapat na asawa, mabuti at ulirang ama.