Para iwas-lugi... MGA TAMANG DISKARTE SA PAGTATAYO NG NEGOSYO

HINDI biro ang pagnenegosyo dahil ‘ika nga nila, maiha­halintulad ito sa pag­susugal dahil hindi mo masisiguro ang kalalabasan nito. Kaya bukod sa ti­wala at lakas ng loob, kakailanganin mo rin ang puhunan at kaalaman kung paano ito pauunla­rin. Kaya para sa mga new business owner diyan, maliit o ma­laki man ang negosyo ninyo, na­rito ang ilang bud­geting tips para sa inyo:

1. GUMAWA NG REALISTIC BUDGET. Una sa lahat, dapat mag­karoon ng makatotoha­nang budget para ma-manage nang tama ang finances. Hindi masa­mang maging matipid o wais sa expenses pero, huwag nating paabutin sa punto na halos wala na tayong mabili o hindi na maganda ang kalidad ng supplies dahil sobrang tinipid. Mga besh, hindi porke may kinalaman ito sa paggastos, eh, dapat na kayong matakot. Think positive lang!

2. LISTA IS LIFE. Hindi lang sa pagba-bud­get dapat maglista, besh! Halimbawa, namili ka ng supplies o sangkap ng ibe­benta mong mer­yen­da, dapat nakalista lahat ng expenses mo mula sa pamasahe, gas, ingre­dients at iba pa. Wala kang dapat kalimutan dahil magdu­dulot ito ng pagkalito ka­pag nag-compute ka na.

3. MAG-SET NG PRIORITIES. Dapat unahin ang expenses na hindi puwedeng ikom­promiso. Halimbawa, kung may inuupahan kang puwesto, gawing priority ang pambayad ng renta, utilities at sahod ng mga empleyado. Gawin itong prayoridad dahil ito ang pundasyon ng ne­gosyo mo. Copy?

4. BE FLEXIBLE. Okay lang na baguhin ang budget, lodi! Ang ka­gandahan sa pagba-bud­get at paglilista ay mas madaling nakikita kung saan ka nagkukulang o sumusobra, kumbaga, na­kikita kung saan puwe­deng mag-adjust. Kapag napapansin mong lumiliit ang kita o lumalaki ang gastos, baka kailangan mo nang mag-adjust ng budget.

5. MAGHANDA PARA SA EMERGEN­CY. Tulad sa ating ta­ha­nan, dapat magkaroon din ng emergency fund pag­da­­ting sa negosyo. Paano kung biglang may nasi­rang makina o gamit tulad ng aircon o ref? Para hin­­di magalaw ang kita ng ne­gosyo, maglaan ng emer­gency fund para sa gani­tong uri ng sitwasyon.

Totoo na malaking risk ang pagnenegosyo, pero worth it ito kung positibo ang magiging resulta. ‘Yun ay dahil malaking factor ang tamang diskarte sa pagba-budget.

Gayunman, huwag ka­yong susuko nang bas­ta-basta, ha?

Good luck, mga ka-Bulgar!