Ex-chairman, niratrat ng mga armado
Pabs Hernandez III
Aug 20, 2019
1 min read
ALBAY—Namatay ang dating barangay chairman nang pagbabarilin ng mga hindi kilalang armadong lalaki kamakalawa sa Bgy. Banao, Guinobatan.
Ang biktima ay nakilalang si Rolando Mijares, residente ng Bgy. Bubulusan sa naturang bayan.
Nabatid na lulan ng kanyang motorsiklo si Mijares nang pagbabarilin ng mga suspek na nakasakay naman sa van.
Patuloy ang imbestigasyon ng mga awtoridad para makilala ang mga suspek at mabatid ang motibo sa pamamaslang kay Mijares.
Comments