Akala mo lang, walang ibubuga... MGA TAONG MAHIYAIN, MATATALINO!

Donna Thea Topacio / Gulat ka 'noh?!

ANG pagiging mahiyain ay mada­las nakaaapekto sa mga oportunidad na dumarating sa ating buhay. Mada­las, da­hil sa hiya, eh, na­wawala ang ba­­gay na para dapat sa atin at naku­kuha ng ibang mas mala­kas ang loob.

Nakalulungkot, ‘di ba? Pero, knows ba ninyo na ang mga tao raw na ma­hiyain ay matatalino at mapagkakatiwalaan? Weh, ‘di nga?

Ayon sa mga psycho­logist, madaling sabihin na ang mga taong bibo o malalakas ang loob ay ma­tatalino, pero kung tutu­usin, ang mga tahimik ay mas creative at maraming naiisip na makabuluhang bagay. ‘Ika nga, perfect example sila ng mga taong “talk less”, pero “most brainpower”.

Gayunman, ang mga taong mahiyain ay po­sibleng na­bibi­lang sa mga in­trovert kung saan kaya mas si­nasa­bing mata­lino sila ay dahil mas ma­dali silang naka­pagpo-fo­cus at natututo kaysa makipag-socialize sa ibang tao.

Hindi natin maika­kaila na may mga kaklase o katrabaho tayong kahit mahiyain, eh, may maibu­buga, ‘di ba?

Samantala, ang payo ng psychologist na si Shara Joshi, kung emplo­yer at naghahanap ka ng empleyado na tutu­long sa iyo para mapatak­bo mo ang iyong kum­panya, make sure na ku­kuha ka rin ng mga ma­hiyain dahil kahit tahimik sila, eh, ma­rami silang ideya na maibi­bigay na makatutulong talaga.

Kaya kung mahiyain ka, besh, oks lang ‘yan, pero kung kailangan mong mag-improve, lalo na kung feeling mo, eh, may ku­lang, nasa sa iyo na ‘yan.

Okidoki?