Tiyaga lang, lodi! BINATANG SUSUWERTEHIN SA NUMBER GAMES AT MAKATUTULUYAN ANG GF

Maestro Honorio Ong

Dear Maestro,

Ako ay driver ng pam­pa­saherong dyip. Ngayon ay may nobya ako at mag-aapat na taon na kaming magkarelas­yon.

Gusto na niyang mag­pakasal kaso ang problema, wala akong pera, gayundin, hindi pa ako handang mag­kapa­milya.

Ang tanging inaasa­han ko lang para mag­ka­roon ng malaking pera ay ang pag­taya sa lotto kaso, hindi naman ako tuma­tama.

Sana, mabigyan ninyo ako ng gabay kung ano ang dapat kong gawin upang magkaroon ng malaking pera para mapakasalan ko na ang aking nobya at ma­kapag­simula ng pamilya.

Gusto ko ring itanong kung compatible kami ng girlfriend ko? May 12, 1991 ang birthday niya at Septem­ber 9, 1988 naman ang birthday ko.

Umaasa,

Clarence ng Balibago, Lian, Batangas

Dear Clarence,

Ang birth date mong 9 at 12 o 3 (ang 12 ay 1+2=3) naman ang birth date ng girlfriend mo ay nagsasabing, compatible kayo dahil pare­ho kayong nasasakop ng nu­merong tinatawag na series of 3-6-9 kung saan habang patuloy kayong nagmamaha­lan, patuloy ding darating ang suwerte at ma­gagandang ka­palaran sa inyong buhay.

Ganito ang paggamit ng inyong numero na 9 at 3, na may ruling planet na Mars at Jupiter upang higit nin­yong mapa­kinabangan ang kan­yang kapangyarihan. Pagka­tapos ninyong mag-date, halimbawa ay magha­pon kayong magkasama at ma­sayang-masaya kayong da­lawa kung saan halos ayaw n’yo nang maghiwalay pa at umuwi sa kani-kanyang ba­hay, kapag ganu’n ang paki­ramdam, saka kayo ma­kipag­sapalaran sa ka­hit anong num­ber games. Sa ganu’ng paraan, walang mintis at tatama kayo ng malaking halaga.

Para sa inyong magka­sin­­ta­han, mapalad ang mga ku­lay red, violet, lavender, pur­­ple at ma­roon higit lalo sa mga petsang 3, 12, 21, 30, 6, 15, 24, 9, 18 at 27, parti­kular kung ang mga pet­sang nabanggit ay natapat sa mga araw ng Martes, Huwe­bes at Bi­yernes. Maganda namang magpa­kasal sa su­sunod na taong 2020 hang­gang 2021 sa mga piling buwan ng Abril, Mayo, Set­yem­bre at Oktubre, sa katu­lad ding petsa at araw na binanggit na sa itaas.

Ayon sa Decadens ng Ka­palaran, kung susundin ninyo ang mga simpleng rekomen­dasyong inilahad na sa itaas, tiyak ang magaganap sa su­sunod na taong 2020 hang­gang 2021, sa edad mong 32 pataas at 29 naman ang girl­friend mo, may malaking ha­lagang maibubulsa, sapat upang matuloy ang simple, ngunit, masayang kasalan na hahantong sa pagbuo ng ma­unlad at maligayang pagpa­pamilya, habambuhay.