Ex-lover sa panaginip; pahiwatig na hindi masaya sa love life

Socrates Magnus

Salaminin natin ang panaginip ni Ash ng Ash_Mikunug@ facebook.com.

Dear Professor,

Bakit palagi kong napananaginipan ang ex-husband ko, eh, may sarili na siyang pamilya at matagal na kaming hiwalay noong December 2014 pa?

Maraming salamat!

Naghihintay,

Ash

Sa iyo Ash,

Hindi nakapagtataka na mapanaginipan natin ang mga taong naging bahagi ng ating buhay.

Ang totoo nga, sila ang mas madalas nating mapanaginipan, pero may mga dahilan kung bakit natin ito narara­nasan.

Kapag ang napana­ginipan ay ang taong minsan mo ng minahal, ibig sabihin, sa mga araw na ikaw ay nana­ginip, nakararanas ka ng kalungkutan sa kanyang kasalukuyang love life.

May pagkakataon na masaya ka, pero kulang ang saya na ito at para bang may hinahanap-hanap ka na makikita mo lang sa iyong ex-lover.

Gayunman, minsan ay naiisip ka ng ex mo, lalo na sa mga panahon o araw na napanana­ginipan mo siya.

Pag-aralan mo sa iyong buhay ang kato­tohanan na nasa itaas at makikita mo na hindi pala talaga nakapagta­taka kung bakit ang mga na­ging bahagi ng buhay natin ay ating napana­naginipan.

Hanggang sa muli,

Professor Seigusmundo del Mundo