Pumalag na ayaw sa kanya ni Jinkee dahil ginamit ang credit card ng BF sa grocery… SIGAW NI HEAVEN:

Vinia Vivar / FRANKLY SPEAK

KINUMPIRMA ni Heaven Peralejo na break na nga talaga sila ng anak ni boxing champ Manny Pacquiao na si Jimuel Pacquiao. Sa kanyang panayam sa Bandila, tinanong siya kung kumusta na siya after the breakup at ayon sa dalaga, “Breakup? Eto, okay naman, I’m focusing on myself, I’m loving myself.”

Nilinaw din ni Heaven na hindi totoo ang mga naglalabasang dahilan ng breakup na kesyo hindi boto sa kanya ang parents ni Jimuel at ginamit niya ang credit card ng ex-BF para sa grocery expenses ng kanyang pamilya.

“Hindi naman po totoo. Gusto ko lang pong i-clarify ‘yung sa grocery, as in never happened ‘yun, hindi ko alam, never din ka­ming nag-grocery together so I don’t know how it happened,” paglilinaw ni Heaven.

Hindi rin daw true ang tsikang tutol sa kanya ang pamilya ni Jimuel.

“Okay naman kasi kami talaga with the family, also with Tita Jinkee (Pacquiao, ina ni Jimuel) and Tito Manny. Sila rin mismo ang nagsabi na okay naman. And ako kasi, ayoko ring manligaw ‘yung guy if hindi accepted ng parents,” sabi ni Heaven.

When asked what really went wrong sa kanilang relasyon, ayon sa young actress ay si Jimuel na lang ang tanungin.

“Siya na lang. Sabihin na lang natin na ako ‘yung nag-let go,” she said.

Pero may hugot si Heaven nang sabihin niyang, “Sabi nga ni Mommy, ‘Don’t let anyone ever make you feel that you are not enough because you are.’ Then, ‘pag nangyari ‘yun, it’s time to let it go.”