Kita sa palad... BABAENG MALAS SA UNA, JACKPOT SA PANGALAWANG ASAWA
Katanungan
Hiwalay na ako sa asawa at ngayon ay may manliligaw ako na hiwalay din sa asawa. Natatakot akong sagutin siya dahil baka maulit ‘yung nangyari sa una kong pag-aasawa dahil naging babaero at lasenggo ‘yung napangasawa ko. Gayundin, madalas niya akong saktan kaya hindi na ako nakatiis at nakipaghiwalay sa kanya.
Sa palagay ninyo, Maestro, sa ikalawang pag-aasawa, may pag-asa pa kaya akong lumigaya o baka mas mabuting maging single na lang ako? May dalawa akong anak sa una kong asawa at mababait sila.
Dapat ba akong mag-asawang muli o manatili na lang akong single kapiling ang aking mga anak?
Kasagutan
Kung pananaigin mo ang takot at iisipin ang nakaraan, baka mangyari ulit sa iyo ang mapait na karanasan sa una mong asawa.
Oo, may dalawa ka ngang anak na nakakasama ngayon, pero paano kapag nagkaroon na sila ng sariling pamilya?
Kapag nagkaroon tayo ng mapait na karanasan, nananatili ito sa ating memorya kung saan ito ang dahilan kaya natatakot tayong mangyari itong muli sa atin.
Sa kaso mo, Clarissa, kapansin-pansing higit na malinaw at maganda ang ikalawang Marriage Line (Drawing A. at B. 2-M arrow b.) kung ikukumpara sa unang Marriage Line (Drawing A. at B. 1-M arrow a.) sa kaliwa at kanan mong palad.
Ibig sabihin, sigurado na ang magaganap, sinasabing ang ikalawang maganda, suwabe at tuwid na Marriage Line (2-M arrow b.) ang mananaig sa iyong kapalaran. Sa ikalawang pag-aasawa, may pangako na ng isang maligaya at panghabambuhay na pagpapamilya na madali namang kinumpirma na matapos pumangit ay gumanda rin naman ang Heart Line (Drawing A. at B. h-h arrow c. at d.) sa kaliwa at kanan mong palad.
Dapat Gawin
Habang, ayon sa iyong mga datos, Clarissa, ang ikalawang pag-aasawa ay magaganap sa susunod na taong 2020 sa edad mong 39 pataas, hatid ng lalaking may zodiac sign na Taurus. Sa piling niya, mabubuo ang ikalawang pagpapamilya at walang duda, habambuhay ka ng magiging maligaya.
Comments