Todo-inggit sa bayaw na yumaman... GUSTONG MAG-ABROAD, PERO TAKOT NA IWAN SI MISIS DAHIL BAKA MANLAL

Maestro Honorio Ong

KATANUNGAN

1. Itatanong ko lang, kung mag-a-apply ako sa abroad, matutuloy kaya ako? Pinipilit kasi ako ng misis ko na mag-Dubai dahil naroon ang kuya niya at matagal na sa kumpanyang pinapa­sukan. Nangako siya sa akin na kapag nag-apply ako ay tutulungan niya akong makapagtrabaho roon.

2. Sa ngayon ay ma­yaman na ang bayaw ko, nakapagpagawa na sila ng bahay at nakabili rin ng pampasaherong sa­sakyan, kaya naman ing­git na inggit ang misis ko.

3. Noon pa ako niya­yaya ng bayaw ko na su­mama sa kanya at ipa­pasok daw niya akong driver sa kum­panya nila. Kaya lang, natatakot akong iwanan ang aking pamilya dahil baka pag­balik ko ay wala na akong misis at mga anak na abutan, lalo na nga­yong uso na ang mga ba­baeng nanlalalaki na na­kikilala nila sa Face­book.

4. Kaya ito ang nais kong patingnan sa aking mga palad, Maestro, hin­di kaya ako lolokohin ng misis ko kapag nasa ibang bansa na ako?

5. Kung sakaling nasa abroad ako, ma­giging komportable rin kaya ang buhay ko roon at ma­bibigyan ko ng ma­saganang buhay ang aking mag-anak?

KASAGUTAN

1. Mr. Gemini, kung wala kang tiwala sa misis mo ay walang mangyayari sa buhay ninyo. Sama­katwid, malabo o hindi kayo aasenso, lalo na kung ikukumpara sa limpak-limpak na salaping kikita­in mo sa ibayong-dagat ang kakarampot na kini­kita mo sa kasalukuyan mong trabaho rito sa bansa.

2. Sa praktikal na payo, kung malaki ang of­fer na suweldo, sungga­ban mo agad sapagkat tu­nay ngang kung hindi ma­daling matukso ang misis mo, makasisigurado kang hindi ka niya pagtataksi­lan sa sandaling nag-ab­road ka.

3. Anuman ang iyong maging pasya, iiwanan mo ba si misis para mag-ab­road ka o kaya ay baban­tayan mo siya dahil wala kang tiwala sa kanya? Ang maliwanag ay ganito, ka­pansin-pansing may ma­linaw na Travel Line (Dra­wing A. at B. t-t arrow a.) sa kaliwa at kanan mong palad, sa bandang huli ng iyong pagdedesisyon, ang nasabing “guhit pa rin ng paglalakbay ang mana­naig”, makapag-a-abroad ka!

4. Tulad ng iyong ba­yaw, mas madaling uunlad ang inyong kabuhayan sa pangingibang-bansa kaysa sa nagtitiyaga kang nama­masukan dito. Ang pag-aanalisang susuwertehin ka sa abroad ay madali na­mang kinumpirma ng lag­da mong may korteng sign ng dollar ($) sa unahan.

Bagama’t, hindi sina­sad­yang nabuo ito sa iyong pirma, ito ay ma­linaw na tanda na ngayon pa lang ay nasasagap na ng uncons­cious mong isipan ang ma­gandang magaganap sa ibayong-dagat kung saan kikita ka ng malaking ha­laga at tuluyan na kayong makaaahon sa kahirapan hanggang sa umunlad na ang inyong kabuhayan.

MGA DAPAT GAWIN

1. Tiwala at hustong pag­mamahal ang dapat mong ipunla sa iyong isi­pan at puso, Mr. Gemini, upang mawala ang takot at pangamba na baka sa iyong pag-alis ay magtak­sil ang iyong misis.

2. Habang, ayon sa iyong mga datos, kung mag-a-apply ka na nga­yon at tatanggapin mo ang alok ng iyong bayaw, tiyak ang ma­gaganap, sa huling hati ng taong kasalukuyan, sa buwan ng Nobyembre o Disyembre, may mabunga at mabiyayang pangingi­bang-bansang ita­tala sa iyong kapalaran at ang pag-a-abroad na ring ito ang magiging simula upang tuluy-tuloy ng uma­senso ang inyong pamilya.